Jonas 3:10 - Maung a Balita Biblia

¹⁰ Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Maung A Balita Biblia

¹⁰ Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Jonas 3:10 Referans Kwoze

Jeremias 18:8

balet kabebekta saman a bansa et ikaindan toy kaogsan to, omanen koy imbagak a kanunotan kon gawaen ed saman a bansa.

Lucas 15:20

Inmalagey sirin, ta onla lan ompawil ed kinen ama to. Arawi nid abung nen anengneng nen ama to. Atenyeg so puso nen ama to, kanyan inabet ton mambabtik, nilakap toy anak to, tan inanguban to.

Amos 7:6

Inoman lamet na Katawan so kanunotan to, kanyan kuanto, Ag met ya nagawa!

Lucas 11:32

Diad Agew na Okum, onalagey iray taga Ninive tan akusaen da kayo, ta nansibkelan da ray kasalanan da nen nadngel dan nampulong si Jonas. Balet kuankod sikayo a wadyay lalon makapanyari nen si Jonas!

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Amos 7:3

Inoman na Katawan so kanunotan to kanyan inkuanto, Ag nagawa so anengneng mo.

Joel 2:13

Ipapuso yoy panermen yo; aliwan masarag so pampilat yod kawes yo. Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Jonas 4:2

Kanyan nampikasi, Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

1 Saray Awaran 21:15

Say Dios angibaki na sakey ya anghil a maneral ed Jerusalem, balet angoman na kanunotan tan kuantod samay anghil, Tondaan mo la! Duga la tan! Manalalagey imay anghil ed abay na panagilikan nen Arauna a Jebuseo.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Jeremias 36:3

Angangko no narengel na saray totood Juda iray amin a deral a getmak ya iyakar ed sikara, ikaindan day maoges a kabibilay da. Pirdonaen kod satan iray kaogsan tan saray kasalanan da.

Jeremias 42:10

No labay yoy mansiansian manayam ed sayan dalin, iletneg ta kayo; ag ta kayo deralen; itanem ta kayo ya aliwan baguten. Akapaermen na mapalalo ed siak so deral ya inyakar kod sikayo.

Jonas 4:11

Siak ni kasiy ag mangasi ed Ninive amta balbaleg a siudad, tan walaan na sanlasus tan duamplon libo ya anggapoy amtan ogogaw, likud ed saray amayamay ya ayayep?

Probirbio 28:13

Ag ka onaligwas ed bilay no iyamut mo ray kasalanan mo, balet no ipatwam ira tan ibeneg mo la ra, kasian ka na Dios.

Jeremias 18:7

No diad anggan anton panaon ikuankon baguten, ibasig, odino deralen koy dinanman a bansa o nanarian,