Joel 2:17 - Maung a Balita Biblia

¹⁷ Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, Kawalaan na Dios yo?

Maung A Balita Biblia

¹⁷ Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Joel 2:17 Referans Kwoze

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Saray Salmo 115:2

Akin et tetepeten da ray bansa ed sikami, Kawalaay Dios yo?

Saray Salmo 79:10

Akin et tetepeten ed sikami na saray bansa, Kawalaay Dios yo? Ipanengneng mo pad sikami so panusam ed saray bansa lapud impangibung dad dala na saray aripen mo.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Amos 7:2

Anengneng kon inaakan na saray dorun iray amin a dikan tinmutubo ed dalin. Insan inkuanko, Katawan a Dios, pirdonam pa ray totoom! Panoy kilaban da? Makapoy tan daiset ira!

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Oseas 14:2

Pawil kayod Katawan, tan iyapay yo yan pikakasi ed sikato: Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

1 Saray Arari 6:3

Limaran mitro so karokey na kuarton lolooban tan samploran mitro so kaawang to a singa kaawang na santuario.

Exodo 34:9

Inkuantod, Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, Iner so kawalaan na Katawan a Dios yo? Nanengneng mi ran natalo, a nagatingatinan ira a singa pitek ed saray dalan.

Amos 7:5

Insan inkuanko, Patondam pa, Katawan a Dios! Panoy kilaban da ray totoom? Makapoy tan daiset iran tuloy!

Ezekiel 20:9

Balet ag ko ginawa, bangta makapangyepas iman na kagalangan na ngaran ko, ta diad imatun na saray totoon pipiayaman da nen saman, imbawag kod Israel ya ipaway ko ra ed Egipto.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.

Saray Salmo 89:51

Katawan, papabaingan na saray kalaban mo so pinilim ya ari! Nileleglemew da ya anggan iner so laen to.

Saray Salmo 89:41

Amin da ray ondadalan tatakewan da; elek-elekan na saray kakaabay to.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

Saray Salmo 42:10

Makapkapoy ak lad panagpabaing da, ta tepet la ran tepet ed siak, Inter so kawalaay Dios mo?

2 Saray Awaran 8:12

Angisaklang si Solomon na saray bagat ed Katawan diad tapew na altar ya impagawa to ed arap na Timplo.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.

Mateo 27:43

Manmamatalek ed Dios tan inkuanto, Siak so Anak na Dios! Nengnengen pa sirin no labay na Dios ya ilaban natan!

Malakias 1:9

Natan sikayo ran papari, kerew yo pad Dios a kasian to itayo. Ag to ebatan so pikakasi yo, et sikayo lamlamang so natetel.

Nehemias 9:36

Et natan aripen kami ed dalin ya inter mod sikami, diad sayan mabunan dalin a mangiiter ed sikami na tagano.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Saray Salmo 42:3

Agew-labin manakakis ak, tan saray luak labat so pambibilay ko; saray kalaban ko et pitepet da, Iner so kawalaay Dios mo?

2 Saray Awaran 7:20

ekalen ta kayod dalin ya inter kod sikayo, tan ikaindan ko yan pinasantok a Timplo a sikatoy pangigalangan ed siak. Balawen tan melag-melagen na saray totoo ed inerman a pasen so bansan Israel.

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Deuteronomio 28:37

Diad saray bansan pangitayakan ed sikayo na Katawan, saray totood man et nikelawan ira ed agawad sikayo; ludlureyen tan balbalawen da kayo.

Saray Bilang 25:6

Aminsan walay sakey ya Israelitan angawit ed dalem na tulda to na sakey a biin Madianita, legan a sankanengneng nen Moises tan amin ya Israelita a wala rad lolooban na Tuldan Ayamay Katawan ta maneermen ira.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Josue 7:9

Narengelan yan andi-saew na saray Cananeo tan amin a totoo ed bansa. Liktuben da kami tan pateyen day balang sakey ed sikami! Antoy gawaen mod satan a pangyagel mod kagalangan mo?

Saray Salmo 42:4

Onsasakit so pusok kapag nanununotan ko ray agawa nen saman, nen kaibak iray karaklan a linmad abung na Dios, tan inwanwan ko rad panaakar da; malikeliket iran mankankanta tan maneeyag na dayew ed Dios.

Saray Salmo 42:11

Akin et onya lay paneermen ko? Akin et mapalaloy kagugunigon ko? Say Dios so panilaloan ko, tan sikato lamet so idayew ko, say manangilaban ko tan Dios ko.