Joel 1:20 - Maung a Balita Biblia

²⁰ Oneeyey ed sika iray ayayep ed katakelan, lapud nakatan iray kolus.

Maung A Balita Biblia

²⁰ Oneeyey ed sika iray ayayep ed katakelan, lapud nakatan iray kolus.

Joel 1:20 Referans Kwoze

Saray Salmo 104:21

Mangwam iray kilaw a lion, no liber-liber iran mananap na kakanen ya iiter na Dios.

1 Saray Arari 17:7

Ag abayag nakatan imay kolus, lapud anggapoy oran.

Saray Salmo 147:9

Iiter toy tagano da ray ayayep tan papakanen to ray sibong na wawak no ontawag ira.

Saray Salmo 145:15

Amin iray mabilay a bengatla onnenengneng iran mailalod sika, tan iitdan mo ray pambilay no nakaukolan da.

Say Libro nen Job 38:41

Siopay mamapakan ed saray wawak no liber-liber iran narasan, no saray sibong da et onkekerew irad siak na nakan?

1 Saray Arari 18:5

Inkuanen Acab ed kinen Obadias, Tala, ta anapen tan amin iray kawalaay sobul tan saray kolus diad intiron nanarian, tan nengnengen ta no wala ray dikan nipakan tayod saray kabayo tan saray mula, pian ag ira ompatey. Angangko ag tayo mamatey na anggan sakey ed saray ayayep tayo.

Jeremias 14:4

Nanaekalan na biskeg na linawa iray dumaralus, lapud anggapoy oran tan amaga-magay dalin; iyaamut day kalupaan da.

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Joel 1:18

Manngakngak a tangaw-tangaw iray baka, lapud anggapoy pampastolan ed sikara; maniiirap met iray amayamay a karniro.