Joel 1:19 - Maung a Balita Biblia

¹⁹ Ontatawag ak ed sika, O Katawan, lapud amagaan iray pastolan tan saray kakiewan, singa ra apoolan.

Maung A Balita Biblia

¹⁹ Ontatawag ak ed sika, O Katawan, lapud amagaan iray pastolan tan saray kakiewan, singa ra apoolan.

Joel 1:19 Referans Kwoze

Jeremias 9:10

Inkuanko, Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.

Amos 7:4

Walay sananey ya impasingayew ed siak na Katawan a Dios. Diad sayan pasingayew anengneng koy Dios a mampaparaan a dusaen tod pool iray totoo to. Pinoolan la na apoy so baleg a dayat ed dalem na dalin tan ginapwan to lan poolan so dalin.

Mikias 7:7

Balet para siak, say Katawan so pampilalekan ko; sitatalek ak a manalagar ed Dios a manangilaban ko. Dengelen ak na Dios ko.

Lucas 18:7

Say Dios balet ey? Ag to kasi iter so kanepegan da ray dilin totoo to ya agewlabin mikasi? Ag to ra kasi tulongan a tampol?

Joel 2:3

Singa panagtemek na apoy so pangan dad saray tanaman. Singa Tanamanan na Eden so dalin a walad arap da, balet sakey a begtebegtew a kabueran so dalin ed beneg da. Anggapon balut so nalabsanan dan tanaman.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Lucas 18:1

Tinongtong nen Jesus so sakey ya alimbawan pangibangat tod sikara a nepeg day mampikasi lawas tan ag ira nanaekalay ilalo.

Jeremias 14:4

Nanaekalan na biskeg na linawa iray dumaralus, lapud anggapoy oran tan amaga-magay dalin; iyaamut day kalupaan da.

Amos 1:2

Inkuanen Amos, Unuungol a manlapud Sion so Katawan; onkakarul a manlalapud Jerusalem so bosis to. Namamagaan iray pastolan tan ompapatey iray dika ed Palandey na Carmelo.

Jeremias 3:9

tan ag to ibabaing yan gagawaen to. Dinotakan to so dalin, tan akilawanan diad panamegley na impangigalang tod saray bato tan saray kiew.

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.