Joel 1:15 - Maung a Balita Biblia

¹⁵ Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Maung A Balita Biblia

¹⁵ Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Joel 1:15 Referans Kwoze

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato sikatoy panaon a kagunigon na saray totook, balet nayarian dan agwantaan.

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Puyan 6:17

Ta sinmabi lay baleg ya agew a pampasnuk da, et siopay makatepel a miarapan?

Santiago 5:9

Agagi, ag kayo mansasalitay maoges a sumlang ed sakey tan sakey, pian ag kayo sintinsiaay Dios. Maganggano lan onsabiy Huis!

Saray Salmo 37:13

Eelekan na Katawan iray totoon maoges, ta amta ton maganggano lan onsabiy kadusa ra.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.

Joel 3:14

Nilibon totoo iray walad Patar na Sintinsia. Diman so sabian naani na Agew na Katawan.

Obadias 1:15

Asingger lay agew a siak a Katawan et sintinsiaan ko ray amin a bansa. Edom, no antoy ginawam, ontan met so nagawad sika. No antoy intanem mo, sikatoy anien mo.

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.