Jeremias 9:1 - Maung a Balita Biblia

¹ Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totoo bansak ya apatey-patey.

Maung A Balita Biblia

¹ Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Jeremias 9:1 Referans Kwoze

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Jeremias 6:26

Say Katawan kuanto ed saray totoo to, Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Isaias 16:9

Nanangisan ko natan iray wakal na Sibma a singa pannanangis kod Jazer. Onteterter so luak lapud Hesbon tan Eleale, tan anggapoy ani a makapaliket ed saray totoo.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

Saray Salmo 42:3

Agew-labin manakakis ak, tan saray luak labat so pambibilay ko; saray kalaban ko et pitepet da, Iner so kawalaay Dios mo?

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 8:18

Ag napaabig so kaermenan ko; walay sakit ko diad pusok.

Jeremias 9:18

Saray totoo inkuanda, Pangganat yo ra, tan kantaan da kami na kantan para tolur, anggad onterter iray lua mi, tan nabasa-basa ray goyamgoyam mi lapud kakaakis.

Saray Salmo 55:7

Arawiy tikyaban ko, tan diad kalawakay panayaman ko.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.

Jeremias 5:7

Tinepet na Katawan, Akin et pirdonaen ko ray kasalanan na saray totook? Inkaindan da ak tan angigalang ira ed saray tila-tilan diriyos. Pinakan ko ray totook ya anggad napsel ira, balet akikalugoran ira, tan akiamung irad saray marotak a bibii o lalaki.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak. Say Katawan a Dios so nansalita.

Oseas 7:4

Traidor tan aliwa ran matoor ya amin. Say petang na olo ra et singa ambalbalangan ngalab ed pogun ya ag ni ginalaw na panadiro ya anggad naluluto la so masa.