Jeremias 8:9 - Maung a Balita Biblia

⁹ Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Maung A Balita Biblia

⁹ Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Jeremias 8:9 Referans Kwoze

Jeremias 6:15

Ambaing ira kasi lapud ginagawa da ra yan makapaingungot a bengatla? Andi! Anggapon balut so baing da; ag anggan ombabalangay lupa ra. Kanyan natumba ra a singa impakatumbay arum; no dusaen ko ra, samput da la. Siak, say Katawan, so nansalita.

Say Libro nen Job 5:12

Deralen to ray plano na saray totoon masilib, tan erelen tod kasiliban da iray totoon makabat, pian ag onaligwas so antokaman a gagawaen da;

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Isaias 19:11

Makulang-kulang iray pangulo na siudad na Soan! Andi-kakanaan iray isisimbawa na saray sankakabatan ya Egipsio! Panon dan nitepel ya ibagad ari a sikaray kasalat na saray gendat a makabat tan arari?

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Deuteronomio 4:6

Pampelengan yo ran onuren, ta sikatoy pakabirbiran na saray totood saray arum a bansa a makabat kayo. No narengelan da ra yan amin a ganggan ikuanda, Agay lay kakabatan tan pakatalus na saray totood sayan makapanyarin bansa!

2 Timoteo 3:15

Amtam a nanlapud impanogaw mo, akabatan mo lay Masanton Sulat a makaiter ed sikay kakabatan a mansumpal ed kilalalaban diad panamegley na pananisiad Cristo Jesus.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Jeremias 49:7

Sikato yay inkuan na Katawan a Makapanyarin-amin nipaakar ed Edom: Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Isaias 8:20

Onya so iyebat mod sikara, Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaateyag da napaandi so gunigon.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Amos 2:4

Say Katawan kuanto, Nankakasalanan iray totood Juda, Kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Zacarias 13:4

No onsabiy tan a panaon, anggapoy propitan makapangikinon ed saray pasingayew to odino ompasen a singa propita odino mansolung na magasal a kawes na propita, pian mamalikdod saray totoo.

Isaias 43:27

Say sankaonaan a lakim et nankasalanan; nankasalanan ed siak iray pangulom,

Jeremias 2:8

Ag tinepet na saray papari, Kawa-laan na Katawan? Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.