Jeremias 6:25 - Maung a Balita Biblia

²⁵ Ag kami la oonlad kaalogan odino manaakar ed saray dalan, lapud akaarmas iray kalaban mi tan makapataktakot so walad kaliber-liber mi.

Maung A Balita Biblia

²⁵ Ag kami la oonlad kaalogan odino manaakar ed saray dalan, lapud akaarmas iray kalaban mi tan makapataktakot so walad kaliber-liber mi.”

Jeremias 6:25 Referans Kwoze

Jeremias 49:29

Ala yo ray tulda ra tan saray karniro ra, saray kortina ra tan amin a bengatlan walad dalem na saray tulda ra. Ala yo ray kamilyo ra tan ikuanyod saray totoo, Takot so walad kaliber-liber yo!

Jeremias 20:10

Narerengel koy paneesaesan na saray karaklan, Makapataktakot ed anggan iner a pasen! Kanyan idalem tayod saray makankanepegan! Anggan saray kakaarok a malet aalagden day kapelag ko. Angangko nayarin palikdoen, kuanda; naerel tayo sirin tan makabawi tayo.

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.

Saray Salmo 31:13

Narerengel koy esaesan da ray amayamay a kalaban ko; makapataktakot so walad kaliber-liber ko. Iplaplano ray ilaban dad siak, mankokomplut iran mamatey ed siak.

Say Libro nen Job 18:11

Diad kaliber-liber to takot so manaalagar ed sikato; tombutombuk ed inerman a laen to.

Lucas 19:43

Ta onsabid sika ray agew a liktuben da ka ray kalaban mo tan saraan da ka, pian ag ka makapaway.

Jeremias 8:14

Akin et wadya itayon manyodyorung ya ag onggalaw? tepet na saray totooy Dios. Onla itayo la, ta ombatik itayod saray siudad a pinaliberay padir, tan diman ti la ompatey. Say Katawan a Dios tayo sinintinsiaan to itayon ompatey; initdan to tayo na samal ya inomen, lapud nankasalanan itayod sikato.

Jeremias 4:10

Insan inkuanko, Katawan a Dios sigput mon pinalikdo ray totood Jerusalem! Imbagam a kareenan so niwalad saray totoo, anta manaya akatotub ed sikaray ispada.

Jeremias 4:5

Paknul yod intiron dalin na Juda so trumpita! Eyag kayoy maksil tan malinew! Ibaga yod saray totood Juda tan Jerusalem ya ombatik irad saray siudad ya aliber na padir.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.

2 Saray Awaran 15:5

Diad saraman ya agew anggapoy toon makapaliis ed kaatapan, lapud walay segsegang tan golo ed intiron dalin.

Jeremias 30:5

Nadngel koy makapataktakot ya eyag, sakey ya eyag a mangiter na takot, aliwan kareenan.

Jeremias 46:5

Balet antoy nanenengneng ko? tepet na Katawan. Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Saray Tagleey 2:22

Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.

Jeremias 8:15

Nampilalek itayod kareenan, balet anggapoy naalagar tayo; nanalagartayoy panaon na pakatambal, balet takot lalaingen so sinmabi.

Jeremias 49:5

Pataktakot ta kayod saray walad kaliber-liber yo. Ontaynan kayon amin. Ombatik so balang sakey ed sikayo diad pangyagel tod bilay to, tan anggapo lad satan so manipon ed saray akabatik a sondalo.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Ezekiel 21:17

Pantipaken ko met iray limak, et onkepa lay pasnuk ko. Siak a Katawan so nansalita.