Jeremias 6:22 - Maung a Balita Biblia

²² Say Katawan kuanto, Onsasabin manlapud sakey a bansa ed baybay iray totoo; mampaparaan a mibakal so sakey a makapanyarin bansa a walad arawi.

Maung A Balita Biblia

²² Say Katawan kuanto, “Onsasabin manlapud sakey a bansa ed baybay iray totoo; mampaparaan a mibakal so sakey a makapanyarin bansa a walad arawi.

Jeremias 6:22 Referans Kwoze

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.

Jeremias 25:9

Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 5:15

Totood Israel, mangibaki so Katawan na sakey a bansan manlapud arawin pasen tan dogpaan to kayo. Mabiskeg tan abayag lan bansa, tan ag yo amta so salita ray totoo to.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Jeremias 13:20

Jerusalem, nengneng mo! Onsasabin manlapud baybay iray kalaban mo! Kawalaan da ray totoon nipiad sikan asikasoen mo, saray totoom ya ikikinon mo?

Jeremias 47:2

Inkuanto: Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Jeremias 4:16

Diad pamasakbay dad saray bansa tan pangibaga rad Jerusalem ibawag da, Onsasabi ray kalaban a nanlapud sakey ya arawin bansa. Mambando ra sumpad saray siudad na Juda,

Jeremias 5:16

Mamatey ya andi-panangasi iray pumapana ra tan matalonggaring ya amin so sondalo ra.

Jeremias 25:32

Say Katawan a Makapanyarin-amin imbaga to a say deral et mansosoblay ya onsasabi ed balang bansa, tan sakey a mabiskeg a bagyo so mantitipon ed saray arawin sokung na mundo.

Jeremias 30:5

Nadngel koy makapataktakot ya eyag, sakey ya eyag a mangiter na takot, aliwan kareenan.

Ezekiel 23:22

Natan sirin, Aholiba, sikato yay ibabagak ed sika, siak a Katawan a Dios: Sinmawa ka ed saraman a kainarowan mo, balet papetangen koy olo ra ed sika tan awiten ko ra ya onlakob ed sika.

Habacuc 1:6

Pagmaliwen kon manoley iray taga Babilonia, saraman a mapalaloy sebeg tan ag mandeen a totoo. Sulong la ran sulong ed anggan iner, pian nadakep da ray arum a dalin.