Jeremias 51:21 - Maung a Balita Biblia

²¹ nambibingkas ed saray kabayo tan saray akakabayo, nandederal ed saray karwahi tan saray kutsiro,

Maung A Balita Biblia

²¹ nambibingkas ed saray kabayo tan saray akakabayo, nandederal ed saray karwahi tan saray kutsiro,

Jeremias 51:21 Referans Kwoze

Exodo 15:1

Insan si Moises tan saray Israelita kinanta ra yan kanta ed Katawan: Kantaan ko so Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Zacarias 10:5

Saray totood Juda et manalo ran singa saray sondalo a gatingatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Zacarias 12:4

Diad satan a panaon taktakoten kon amin iray kabayo ra tan ambagelen ko ray amin a kumakabayo ra. Bantayan ko ray totoo ed Juda, balet bulagen ko ray kabayo na saray kalaban da.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Nahum 2:13

Siak so kalaban! kuay Katawan a Makapanyarin-amin. Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.

Mikias 5:10

Say Katawan kuanto: Diad satan a panaon, ekalen kod sikayo ray kabayo yo tan deralen ko ray karwahi yo.

Puyan 19:18

Gali dia, tan akan yo ray laman da ray arari, saray hiniral, tan saray sondalo, saray laman da ray kabayo tan saray akakabayo, saray laman na amin a katoowanaripen man o andi, abeba man o atagey ed kipapasen!

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Ezekiel 39:20

Diad lamisaan ko mangan na nayarian dan kanen iray kabayo tan saray kumakabayo, saray sondalo tan saray bumabakal. Siak a Katawan a Dios so nansalita.

Jeremias 50:37

Patey yo ray kabayo to tan deral yo ray karwahi to! Patey ed saray inoopaan ton sondalo agaylay kapoy da! Deral yo ray kayamanan to; akokos tan samsam yo ra.

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Exodo 15:21

Et si Miriam kinantaan to ra: Kantaan yoy Katawan, lapud mapagalang ya impanalo to; imbabantak tod dayat iray kabayo tan saray akakabayod sikaran totoo.

Exodo 15:4

Imbabantak tod dalem na dayat iray sondalon Egipsio tan saray karwahi ra; nalner ed Dayat ya Ambalanga iray sankaabigan ya opisyal da.

Isaias 43:17

Insulong tod kadederal iray makapanyarin sondalo, saray sondalon akakarwahi tan akakabayo. Atumtumba ra, et ag la ra makabangon, naandipat iran singa narep a silew na lamparaan!