Jeremias 50:1 - Maung a Balita Biblia

¹ Sikato yay sinalita na Katawan ed siak nipaakar ed Babilonia tan saray totoo to:

Maung A Balita Biblia

¹ Sikato yay sinalita na Katawan ed siak nipaakar ed Babilonia tan saray totoo to:

Jeremias 50:1 Referans Kwoze

2 Pedro 1:21

Ta anggapon balut so propisiyan nanlapud linaway too, no ag ingen diad impanpulong na saray totoo na salitay Dios, say Ispiritu Santo so angiwanwan ed sikara.

Saray Gawgawa 7:4

Kanyan tinaynan nen Abraham so dalin da ray Caldeo, insan linman nanayam ed Haran. Kapatey na ama to, say Dios pinaonla tod sayan pasen a panaayaman yo natan.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Isaias 23:13

(Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Isaias 14:4

No gawaen ya na Katawan, nepeg dan ludlureyen so ari na Babilonia tan ikuanda: Atalo la so maruksan ari! Ag to lan balut mampairap na siopaman!

Say Libro nen Job 1:17

Mansasalita ni nen sinmabi so sakey nin aripen tan kuanto, Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.

2 Samuel 23:2

Say ispiritu na Katawan misasalita ed panamegley ko; walad dilak iray salita to.

Genesis 11:31

Tinmaynan si Tare ed baley na Ur na Babilonia, a kaiba toy anak ton Abram, si apo ton Lot ya anak nen Haran, tan si manugang ton Sarai ya asawa nen Abram. Linma rad dalin na Canaan, et nen asabi ray dalin na Haran, diman la ra nanayam.

Genesis 10:10

Diad gapo sakop na nanarian to so Babilonia, Erec, tan Acad, a wala ran amin ed dalin na Babilonia.

Puyan 14:8

Tinmombuk so kumadwan anghil ya inkuanto, Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen dasay alak na kasalanan ton maoges a pilalek na laman!

Genesis 11:9

Babilonia so impanawag dad saman a siudad, ta diad sayan lugar impandoroma na Katawan so salita na amin a katoowan tan manlapud man, inkayat to ran amin ed intiron mundo.

2 Saray Arari 17:24

Say impirador na Asiria angawit na saray totoon taga saray siudad na Babilonia, Cuta, Ava, Hamat, tan Sefarvaim, insan impanayam to rad saray siudad na Samaria. Sikaray kasalat na saray Israelitan niakar ed Asiria. Kinayaryan da ra yan siudad tan diman ira nanayam.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Daniel 1:1

Nen kumatlon taon na panaari nen Joakim ed Juda, dinogpaan nen Ari Nabucodonosor na Babilonia so Jerusalem tan nilakob to.