Jeremias 48:41 - Maung a Balita Biblia

⁴¹ tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Maung A Balita Biblia

⁴¹ tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Jeremias 48:41 Referans Kwoze

Isaias 21:3

Lapud samay anengneng tan nadngel ko ed samay pasingayew, ataktakot ak tan nairapan ak tan singa ak biin mampapasakit.

Isaias 13:8

Ontakot iran amin tan manirap iran singa biin mampapasakit. Diad gaway takot da mannenengnengan ira, tan ombalangay lupa rad kababaingan da.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.

Jeremias 30:6

Tonda kayo natan, ta mannunot kayo! Mananak ta na sakey ya ogaw so laki? Akin sirin et sankanengneng koy balang laki a sankabembenan toy eges to a singa biin mampapasakit? Akin et ampoti-potiy bosaleg na balang sakey a too?

Jeremias 6:24

Nadngelan miy nipaakar ed balita, kuan na saray totood Jerusalem, et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.

1 TESALONICA 5:3

No ikuay totoo, Mareen tan anggapoy kaatapan, biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 50:43

Nererengel na ari na Babilonia so balita, tan alaylay iray taklay to. Mapalaloy paneermen to, tan paniirap to a singa sakey a biin mampapasakit.

Jeremias 49:24

Nagmaliw a maletey iray taga Damasco tan batik irad takot da. Manlilikna ray kairapan tan pakaskasi ran singa biin mampapasakit.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, Pangaskasiyan ak! Onsasabi la ran mamatey ed siak!

Jeremias 4:9

Inkuan na Katawan, Diad satan ya agew naekalan na biskeg na linawa iray arari tan saray opisyal; natalagnaw iray papari tan nikelawan iray propita.

Jeremias 48:24

Kiryot, tan Bosra. Sinmabi lay sintinsia ed amin da ray siudad na Moab, arawi may asingger.

Jeremias 50:37

Patey yo ray kabayo to tan deral yo ray karwahi to! Patey ed saray inoopaan ton sondalo agaylay kapoy da! Deral yo ray kayamanan to; akokos tan samsam yo ra.

Amos 2:2

Lapud saya mangyakar ak na apoy ed tapew na dalin na Moab tan poolan ko ray tirinsira na Keriot. Ompatey ed eyag na bakal iray totoon taga Moab legan a maneeyagan iray sondalo tan napapaknul iray trumpita.