Jeremias 46:11 - Maung a Balita Biblia

¹¹ Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Maung A Balita Biblia

¹¹ Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Jeremias 46:11 Referans Kwoze

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Mikias 1:9

Ag naabigan iray sugat na Samaria, tan ngalngali la manirap so Juda a singa paniirap na Samaria; asabian lay deral iray puirta na Jerusalem a panaayaman da ray totook.

Isaias 47:1

Say Katawan kuanto, Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Nahum 3:19

Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Mateo 5:26

Diman ka manayam, kuankod sika, anggad ag mo nabayaray amin a multam.

Ezekiel 27:17

Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.

Jeremias 51:8

Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Genesis 43:11

Inkuanen ama ra, No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 31:21

Mangyan kayo ray tanda tan pakapatnagan ed dalan; anap yo may dinalan yo. Pawil kayo, sikayon totood Israel, sempet kayod saray baley a tinaynan yo.