Jeremias 43:5 - Maung a Balita Biblia

⁵ Insan si Johanan tan amin da ra may pangulo na saray sondalo inyakar dad Egipto so balang toon atilak ed Juda, a pati amin da ray totoon pinmawil a manlapud saray bansan nikaykayatan da:

Maung A Balita Biblia

⁵ Insan si Johanan tan amin da ra may pangulo na saray sondalo inyakar dad Egipto so balang toon atilak ed Juda, a pati amin da ray totoon pinmawil a manlapud saray bansan nikaykayatan da:

Jeremias 43:5 Referans Kwoze

1 Samuel 26:19

Dengel mo pay ibagak, O ari. No say KATAWAN so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na KATAWAN. Pinataynan da ak manlapud dalin na KATAWAN tan apasoot ak a manayam ed sakey a bansa a saray diriyos to labat so nayarian kon igalang.

2 Saray Arari 25:22

Impagmaliw nen Ari Nabucodonosor na Babilonia si Gedalias a lakin anak nen Ahican tan apo nen Safan a gobirnador na dalin na Juda, tan impasen ton makaoley ed amin da ray totoo ag niakar ed Babilonia.

Jeremias 40:10

Manayam ak ed Mizpa tan siak so mangilaman ed sikayo no onla ra diay taga Babilonia. Balet sikayo nayarian yoy manala tan mangisinup na alak, bunga na saray tanaman, tan say larak na oliba. Nayarian yoy manayam ed saray barion asakop yo.

Jeremias 41:10

Insan dinakep nen Ismael iray bibiin anak na ari tan saray arum a totoo ed Mizpa a sikaray impalima nen Nebuzaradan a pangulo da ray sondalo na Babilonia ed kinen Gedalias. Inala nen Ismael iran priso, insan da ginapwan so amaarap ed dalin na Ammon.

Jeremias 41:17

Insan ira sinmiput ya onlad Egipto. Tinmonda ran agano ed Kimham ya asingger ed Betlehem. Ginetma ray onla ed Egipto,