Jeremias 34:21 - Maung a Balita Biblia

²¹ Ipadakep ko met si Ari Sedekias na Juda tan saray opisyal to ed saray malabay a mamatey ed sikara. Ipadakep ko rad saray sondalo na Babilonia a tinmonda la ran ondodogpa ed sikayo.

Maung A Balita Biblia

²¹ Ipadakep ko met si Ari Sedekias na Juda tan saray opisyal to ed saray malabay a mamatey ed sikara. Ipadakep ko rad saray sondalo na Babilonia a tinmonda la ran ondodogpa ed sikayo.

Jeremias 34:21 Referans Kwoze

Jeremias 39:6

Diad Ribla nengnengnengen nen Sedekias iray lalakin anak to legan ya impapatey ira na ari na Babilonia. Impapatey to met iray opisyal na Juda.

Ezekiel 17:16

Say Katawan a Dios kuanto, Andi-duaruwa a siak so mabilay a Dios; ontan met ya andi-duaruwan ompatey ed Babilonia yan ari, lapud sinumlang toy samba to tan say impipakna to ed ari na Babilonia ya angipayorung ed sikatod trono.

Jeremias 52:10

Diad Ribla si Sedekias nengnengnengen to ray anak ton lalaki ya impapatey nen Ari Nabucodonosor tan impapatey to met iray opisyal na Juda.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.

Jeremias 32:4

tan ag makabatik si Ari Sedekias. Niawat ed ari na Babilonia; napilupaan to tan napitongtongan ton dili.

2 Saray Arari 25:6

Niakar si Sedekias ed kinen Ari Nabucodonosor a walad siudad na Ribla tan diman to sinintinsiaan si Sedekias.

Jeremias 22:25

insan ta ka iter ed saray malabay a mamatey ed sika, saray totoon tatakotan mo. Ipalima ta kad Ari Nabucodonosor na Babilonia tan saray sondalo to.

Jeremias 32:3

Impriso ak diman nen Ari Sedekias tan inakusa to ak ya imbawag kon say Katawan kuanto, Ipadakep ko yan siudad ed ari na Babilonia,

Jeremias 44:30

Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.

Jeremias 52:8

Balet saray sondalon taga Babilonia inosilan day Ari Sedekias tan narel da diad saray patar ya asingger ed Jerico, tan imbatikan na saray amin a sondalo to.

Ezekiel 17:12

Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

Ezekiel 17:20

Isabokul koy iket na umaanup ta erelen ko. Iyakar ko ed Babilonia tan dusaen kod man, lapud aliwan matoor ed siak.