Jeremias 33:26 - Maung a Balita Biblia

²⁶ ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.

Maung A Balita Biblia

²⁶ ontan met so pangituloy koy impisipanan kod saray kabyangay boleg nen Jacob tan diad aripen kon David. Mamili ak na sakey ed saray kabyangay boleg nen David a sikatoy manoley ed saray kabyangay boleg di Abraham, Isaac, tan Jacob. Kasian ko ray totook tan paaligwasen ko ra lamet.”

Jeremias 33:26 Referans Kwoze

Jeremias 31:37

No nasukat so tawen, tan nasokait iray pundasion na mundo, ipolisay tod satan iray totood Israel, lapud amin a ginagawa ra. Say Katawan so nansalita.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Oseas 2:23

Iligen kod dalin iray totook tan paaligwasen ko ra. Aroen ko ra may atawag ya Ag Naaro, tan saramay atawag ya Aliwan Totook ibagak ed sikara, Sikayo ray totook, et onebat ira, Sika so Dios mi.

Oseas 1:7

Balet aroen ko ray totood Juda. Siak a Katawan a Dios da, iyagel ko ra, aliwan diad panamegley na ispada odino pana, odino kabayo tan kumakabayo.

Ezekiel 39:25

Say Katawan a Dios kuanto, Balet natan kasian ko ray kabyangay boleg nen Jacob, saray totood Israel, tan paaligwasen ko ra lamet. Iyagel ko so masanton ngaran ko.

Jeremias 31:20

Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika. Saya sirin so ibabaga na Katawan a mangilalaban ed sika.

Saray Taga Roma 11:32

Ta say Dios inabuloyan toy amin a katoowan a magmaliw iran aripey kasalanan, pian nipanengneng toy panangasi tod sikaran amin.

Genesis 49:10

Bembenan toy baston na ari. Manoley lawas iray kabyangay boleg to. Maniter ed sikato iray bansa na buis da Tan ondakmomo ran ontoluk ed sikato.

Zacarias 10:6

Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Esdras 2:70

Nanayam ed Jerusalem odino diad abay to iray papari, saray Levita, tan pigarad saray totoo; nanayam ed saray asingger a baley iray tumutogtog tan saray kumakanta, saray guardiad Timplo, tan saray kumikimey ed Timplo; tan nanayam ed saray baley na saray lalaki ra iray arum ya Israelita.

Esdras 2:1

Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.

Jeremias 3:12

Imbaga to nid siak ya onla ak a mangikuan ed Israel, Aliwan matoor ya Israel, pawil kad siak. Lapud mapangasi ak, ag ta ka la pampasnukan; aliwan ando lan ando so petang na olok ed sika.

Jeremias 33:24

Naimanom so pangibabaga da ray totoo ya impolisay koy Israel tan say Juda, saray duaran pinilik a pamilya? Kanyan balbalawen da ray totook tan ag da la ra ipapasen a sakey a bansa.

Saray Salmo 126:1

Nen say Katawan et impawil to kamid Jerusalem, singa labat sakey a kogip!

Jeremias 31:35

Say Katawan iiter toy agew a manliwawa no agew tan say bulan tan saray bitewen a manindag no labi. Kimbogen toy dayat, kanyan onungol iray daluyon to; Yahweh a Makapanyarin-amin so ngaran to.