Jeremias 31:15 - Maung a Balita Biblia

¹⁵ say Katawan kuanto, Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Maung A Balita Biblia

¹⁵ Say Katawan kuanto, “Nadngel so tanul ed Rama, tanul na ampaipait a pannangis tan panugaog. Si Raquel saray anak to nanangisan to ra; maneermen tan ag naligliwa, ta naandi la ra.

Jeremias 31:15 Referans Kwoze

Jeremias 40:1

Akisalitad siak so Katawan kayarin imbolus ak ed Rama nen Nebuzaradan a pangulo na saray sondalo. Niakar ak diman ya akagolunggolung; kaibak ya amin iray totoon taga Jerusalem tan Juda a niakar a priso ed Babilonia.

Saray Salmo 77:2

Mampikasi ak ed Katawan, no nagugunigon ak; sanlabin itatagey ko ray limak diad pampipikasik, balet ag ak naliligliwa.

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

Jeremias 10:20

Aderal-deral iray tulda mi; apolpoltut iray lobir ya impangitaker ed sikara. Tinaynan kami na saray anak mi; naandi la ran amin ed arap mi. Anggapoy atilak a mangipaalagey lamet ed saray tulda mi; anggapoy mangipeket na saray kurtina ra.

Isaias 22:4

Paolyan yo ak a mambukbukor ya akisan koy ampaipait iray totook ya inaatey. Ag yo ak liligliwaen.

Genesis 42:13

Inkuanda, Labindua kamin amin a sanaagi; saksakey so ama mi a wala natan ed Canaan. Inatey lay sakey ya agi mi tan atilak ed ama mi so sankayogtanan.

Genesis 37:35

Dinmagon amin iray anak ton lalaki tan bibii a manligliwad sikato, balet ag to labay so naligliwa tan inkuanto, Anggan wala ak lad pasen a panaayaman da ray inaatey, panermenan ko ni so anak ko. Kanyan ag to tinondaan ya inermenan ko ni so anak ko. Kanyan ag to tinondaan ya inermenan si anak ton Jose.

Saray Tagleey 5:7

Nankasalanan iray lalaki mi tan inaatey la ra, balet maniirap kami lapud saray kasalanan da.

Genesis 42:36

Inkuanen ama ra, Labay yon naandin amin iray anak ko? Anggapo lay Jose; anggapo met lay Simeon; tan natan labay yo met ya alaey Benjamin. Siak so maniirap!

Ezekiel 2:10

Inlokas na samay lima imay babasaen, et anengneng ko a walay sulat ed nantopag. Nisulat diman iray akis na ermen, dageyem, tan sinagem.

Saray Salmo 37:36

balet ag abayag linmabas ak, et anggapo met la; inanap ko, et ag ko la narumog.

Say Libro nen Job 7:21

Ag mo tan balut napirdonay kasalanan ko? Ag mo ta napaandi so kaogsan a gagawaen ko? Ag mabayag wala ak lad lobuk, et anggapo ak la no anapen mo ak.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.

Josue 18:25

Siudad da met iray onggendan: Gabaon, Rama, Beerot,

Genesis 5:24

Nambilay a kaiba toy Dios, insan naandipat, ta inalay Dios.

Saray Huis 4:5

Inmirung ed silong na sakey a kiew a palmira diad nampegleyan na Rama tan Betel diad nipokdul a dalin na Efraim, insan dinmadagod sikato ray totoo, ta ibaga tod sikaray nepeg a nagawa odino gawaen da.

Isaias 10:29

Akabaliw la rad babaliwan tan mamapalabas iray labi ed Geba! Ataktakot iray totood baley na Rama, tan batik iray totood Gabaa a baley nen Ari Saul.