Jeremias 30:16 - Maung a Balita Biblia

¹⁶ Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Maung A Balita Biblia

¹⁶ Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Jeremias 30:16 Referans Kwoze

Jeremias 10:25

Idapom pa so pasnuk mo ed saray totoon ag mangigagalang ed sika, tan diad saray totoon mangipopolisay ed sika. Pinapatey da ray totoom; sigput da kamin dinederal, tan dinederal day bansa mi.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Exodo 23:22

Balet no onuren yo tan sumpalen yo ray amin ya ingganggan ko, siak so mibakal ed saray amin a kalaban yo.

Zacarias 2:8

Siopamay mangabil ed sikayo kabilen toy sankablian ed siak. Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.

Zacarias 12:2

Pagmaliwen kon singa kupa na alak so Jerusalem; oninom iray bansan walad kaliber-liber to et mandongilngil iran singa abuek. Et no lakoben day Jerusalem, lakoben da met iray arum a siudad na Juda.

Joel 3:8

Abuloyan kon nilakod saray totood Juda iray anak yon lalaki tan bibii; ilako da ra ed saray totood Saba, ya arawdawin pasen. Siak, say Katawan, so nansalita.

Isaias 14:2

Dakel iray bansan ontulong ed saray totood Israel diad ipawil da ed dalin ya inter ed sikara na Katawan, tan diman saray bansa manlingkur iran aripen na saray Israelita. Saramay anakep ya aminsan ed Israel et nadakep ira natan na Israel, tan saray totood Israel et oleyan da ra may nampapairap ed sikara nen saman.

Saray Salmo 129:5

Natalo tan napapoliktar komun ya amin iray mamobosul ed Sion.

Sofonias 2:8

Say Katawan a Makapanyarin-amin kuanto, Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.

Habacuc 2:16

Nakawesan kayo kumun na kagalangan, ingen napelag kayod kababaingan. Maninom kayo tan mandongildongil kayo. Ipainom na Katawan ed sikayo so kupay dusa tan magmaliw a kababaingan so kagalangan yo.

Nahum 1:8

Say Katawan et singa baleg tan maples a delap a sigput ton dederalen iray kalaban to; ibabaki tod patey da iray onsusumlang ed sikato.

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, Iner so kawalaan na Katawan a Dios yo? Nanengneng mi ran natalo, a nagatingatinan ira a singa pitek ed saray dalan.

Mikias 4:11

Nantitipon iray amayamay a bansa ya ondogpad sikayo. Kuanda, Nepeg a naderal so Jerusalem! Nengnengen tayon aderal-deral yan siudad!

Ezekiel 35:5

Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.

Ezekiel 29:6

Diad santan nakabatan na amin da ray Egipsio a siak so Katawan. Say Katawan kuanto, Saray Israelita et nanmatalek irad sikayod tulong yon Egipsio, balet singa kayo labat sakey a lopuk a bastun.

Saray Tagleey 1:21

Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Jeremias 2:3

Israel, bukor moy kayaryan ko nen saman; sikay masanton kayaryan ko. Pinairap ko tan initdan ko na segsegang iray amin a mamapasakit ed sika. Siak, say Katawan, so nansalita.

Isaias 54:17

Balet anggapoy armas a makapasakit ed sika; walay niebat mo ed amin a mangakusa ed sika. Iyagel ko ray aripen ko tan panaloen ko ra. Say Katawan so nansalita.

Isaias 54:15

No walay ondogpad sika, ondogpa ya anggapoy abuloy ko; Natumba so siopaman ya onlaban ed sika.

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Zacarias 1:14

Insan samay anghil imbaga tod siak ya ibawag ko may imbaga na Katawan a Makapanyarin-amin: Mapalaloy panangarok ed Jerusalem a masanton siudad ko.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 12:14

Say Katawan kuanto, Walay ibagak nipaakar ed saray bansan maoges a kaabay na Israel. Sikaray nanderal ed dalin ya inter kod saray totook ya Israel. Pataynanen kon singa abagut a tanaman ira yan totoo maoges ed saray bansa ra, tan ekalen koy Juda ed pakaoley da.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.

Jeremias 30:15

Ag kayo manririklamo lapud saray sugat yo; ag kayo la napaabig. Onyay impanusak ed sikayo, lapud amayamay so kasalanan yo tan mapalaloy kaogsan yo.

Deuteronomio 30:7

Ipelag to ra yan amin a samba ed saray kalaban yo ya amosul tan amairap ed sikayo;

1 Samuel 17:53

Nen amawil iray Israelita, kayari ran inoosilan iray Filisteo, inaala ray antokaman a walad kampo ra.

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Saray Tagleey 1:22

Sintinsiaan mo pa ray dusa lapud saray kaogsan da; Dusam ira a singa impanusam ed siak, lapud saray kasalanan ko. Mapalaloy panayay ko, tan ansakit so pagew ko.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Zacarias 2:12

Maminsan ni lamet say Juda et magmaliw a nidoma-doman kayaryan na Katawan diad dalin ton masanto, tan say Jerusalem, et magmaliw a sankainaroan tod saray kayaryan to.