Jeremias 30:13 - Maung a Balita Biblia

¹³ Anggapoy mangasikasod sikayo, anggapoy nitambal ed saray sugat yo, anggapo lay ilalon onabig kayo.

Maung A Balita Biblia

¹³ Anggapoy mangasikasod sikayo, anggapoy nitambal ed saray sugat yo, anggapo lay ilalon onabig kayo.

Jeremias 30:13 Referans Kwoze

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Jeremias 33:6

Balet paabigen ko yan siudad tan saray totoo to tan ipawil koy gendat a biskeg da. Ipanengneng kod sikaray daakan ya aligwas tan say bilay ya arawid kaatapan.

Jeremias 30:17

Pagmaliwen kon maung lamet so kipapasen yo; paabigen ko ray sugat yo, anggaman ibabaga na saray kalaban yo, Nibantak so Sion; anggapoy malabay ed sikato. Siak, say Katawan, so nansalita.

1 Juan 2:1

Anak ko, isulat ko ya pian ag kayo manggaway kasalanan. Balet no walay mankasalanan, walay matonung a Jesu-Cristo a mangipipikasid sikatayo ed Ama.

1 Pedro 2:24

Diad impatey nen Cristo ed tagey na krus, sinakbat tod laman to ray kasalanan tayo, pian taynan ti lay kasalanan tan mambilay ti la onung ed linaway Dios. Inmabig kayo diad panamegley na saray sugat to.

Nahum 3:19

Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Oseas 14:4

Say Katawan kuanto, Papawilen kod siak iray totook. Aroen ko ra ed intiron pusok; nakal lay pasnuk kod sikara.

Oseas 6:1

Saray totoo kuanda, Ompawil itayod Katawan Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Ezekiel 22:30

Nananap ak na makapangipaalagey ed padir, a nayarian toy manalagey ed pasen ya ageba so padir tan iyagel toy dalin no ngalngali la deralen na pasnuk ko, balet anggapoy naalmok.

Isaias 59:16

Mankelaw ed impakanengneng to ya anggapoy ontulong ed saray napapairap. Kanyan ipakana toy dilin pakayari to ed pangyagel tod sikara tan say panalo to.

Isaias 1:6

Maletey so intiron laman mo. Aliber so laman mo na saray sugat, giri, tan saray tinmeterak a larag. Ag alinisan o aberber iray sugat mo. Ag ira anggan nainan na tambal.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Saray Salmo 106:23

Nen imbaga na Dios a deralen to ray totoo to, binaat nen Moises a pinili ton aripen to, et pinakepa na Dios so pasnuk ton maneral ed sikara.

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Say Libro nen Job 5:18

Beberberen na Dios iray sinusugat to; mamapasakit tan mamapaabig ed sika iray lima to.

Deuteronomio 32:39

Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

Exodo 15:26

Inkuanto, No sigput so pangonur yod siak a Katawan a Dios yo, tan gawaen yoy antokaman ya ipapasen kon matonung tan sumpalen yo ray ganggan ko, ag ta kayo dusaen na saray salot ya impadalan kod saray Egipsio. Siak so Katawan a mamapaabig ed sikayo.

Jeremias 17:14

Katawan, tambal mo ak pa, et sigput ak ya onabig; iyagel mo ak, et sigput ak a nilaban. Sika so idadayew ko!

Jeremias 14:19

Katawan, sigput so impangipolisay mod saray totood Juda? Kabosul mo ray totood Sion? Akin et mapalaloy impanugat mod sikami, kanyan ag kami la naabigan? Nampilalekan min nagamuray kareenan, balet anggapoy maabig a sinmabi; inilaloan min onabig kami, balet makapasinagem lalaingey sinmabi.

Jeremias 6:7

No panoy pansiasiansiay masamit a danum ed bobun, ontan met so pansiasiansiay kaogsan ed Jerusalem. Narerengelan koy inkaruksa tan panagderal ed dalem na siudad; sakit tan sugat iray nanenengneng ko.

Ezekiel 30:21

Inkuanto, Sika a toon ompatey, pinoter koy taklay na ari na Egipto. Anggapoy amerber odino angyan na sanlaoy to, pian onabig komun tan ombiskeg lamet a mangegna na ispada.

Saray Tagleey 2:13

O Jerusalem, antoy nibagak? Panoy pakaligliwak ed sika? Anggapo niy nanirap a singa paniirap mo. Singa kaawang na dayat so inkaderal mo; siopay makapasimbalod sika?