Jeremias 30:11 - Maung a Balita Biblia

¹¹ Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.

Maung A Balita Biblia

¹¹ Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 30:11 Referans Kwoze

Jeremias 10:24

Petek mo kami pa ran totoom, O Katawan; balet ag mo lalabasen. Ag mo kami pa pepeteken no mamapasnuk ka, ompan samput mi la.

Jeremias 4:27

(Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 1:8

Ag ka ontatakot ed sikara, ta wala ak a mangyagel ed sika. Siak, say Katawan, so nansalita!

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

Saray Gawgawa 18:10

ta iibaan ta ka. Anggapoy maniwit ed sika, ta amayamay iray totook ed sayan siudad.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.

Jeremias 15:20

Diad sarayan totoo pagmaliwen ta kan singa puron gansan padir. Labanan da ka, balet ag da ka natalo. Wala ak a mangyagel ed sika tan mangyarawid sikad kaatapan.

Jeremias 5:18

Say Katawan kuanto, Anggaman ontan, diad saratan ya agew ag ko sigput a deralen iray totook.

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga ta ag ko kayaryan ira man a sanga-sanga.

Saray Salmo 6:1

Katawan, ag mo ak pa pamapasnukan lapud petang na olom! Ag mo ak pa dudusaen lapud pasnuk mo!

Mateo 1:23

Manlokun so sakey a birhin, tan mananak na laki a tawagen day Emmanuel (a say labay ton ibaga: Say Dios walad sikatayo).

Ezekiel 11:13

Legan kon mampropropisiya, inatey si Pelatia. Intikleb kod dalin tan ineyag ko, O Katawan a Dios, pateyen mon amin iray totoon atilak ed Israel?

Isaias 43:25

Anggaman ontan, siak so Dios a mamipirdonad saray kasalanan mo, et onyay gagawaen ko lapud inka-Dios ko. Ag ta ka singilen ed saray kasalanan mo.

Levitico 26:44

Balet anggaman ontan, no wala ni rad dalin na saray kalaban da, ag ko ra sigput ya ikaindan, ni deralen. Ta no sigput ko ran ikaindan mangangga so impisipanan kod sikara, et siak so Katawan a Dios da.

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.

Saray Tagleey 3:22

Ag mangangga so ag mangoman a panangaro tan panangasi na Katawan.

Ezekiel 6:8

Abuloyan kon ag napatey iray arum a totoo tan nataytayak irad saray bansa,

Oseas 11:9

Ag ta ka dusaen ed pasnuk ko; ag ko la deralen lamet so Israel, Ta Dios ak, aliwan too. Siak a Masanton Dios, wala ed sika. Ag ta ka dagoen a deralen.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.