Jeremias 27:16 - Maung a Balita Biblia

¹⁶ Insan imbagak ed saray papari tan saray totoo a say Katawan kuanto: Ag yo dedengelen iray propitan mangibabaga a magano lan nipawil manlapud Babilonia iray kayamanan ed Timplo. Titilaan da kayo.

Maung A Balita Biblia

¹⁶ Insan imbagak ed saray papari tan saray totoo a say Katawan kuanto: “Ag yo dedengelen iray propitan mangibabaga a magano lan nipawil manlapud Babilonia iray kayamanan ed Timplo. Titilaan da kayo.

Jeremias 27:16 Referans Kwoze

Jeremias 28:3

Diad loob na duay taon ipawil kod sayan pasen iray amin a kayamanan ed Timplo ya inaala ra nen Ari Nabucodonosor tan inaawit to rad Babilonia.

2 Saray Arari 24:13

Nen kumawalon taon na panooley nen Nabucodonosor, inawit ton priso si Joakin tan inala to met ya amin iray kayamanan na Timplo tan palasio. Onung na impasakbay la na Katawan, binebetag ya amin nen Nabucodonosor iray ginagawa nen Ari Solomon a balituk a kagawaan ed dalem na Timplo.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Jeremias 27:10

Papalikdoen da kayo tan sikaray makasengeg na kibantak yod pasen ya arawid bansa yo. Pataynanen ta kayo tan naderal kayo.

Jeremias 27:14

Ag yo dedengelen iray propitan mangibabaga ya ag yo nepeg a panlingkuray ari na Babilonia. Papalikdoen da kayo labat.

Isaias 9:15

Say olo et saray matakken tan gagalangen a totootan say ikul et saray propitan tilay ibabangat da!