Jeremias 21:7 - Maung a Balita Biblia

⁷ Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.

Maung A Balita Biblia

⁷ Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 21:7 Referans Kwoze

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, Walay papaibaga na Katawan? Inmebat ak, Wala! Nipalima kad ari na Babilonia.

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.

Jeremias 13:14

Insan ko ra panbabasigan a singa saray garapon, matakken may malangwer. Ag nabaat na abagey, panangaro, odino panangasi so pamatey kod sikara.

Deuteronomio 28:50

Makapataktakot ira tan anggapoy panangasi rad siopaman, tobun-balo may matakken.

Ezekiel 9:10

Balet ag ko ra kasian; gawaen kod sikaray ginawa rad arum a totoo.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 27:11

Amagaan iray sanga na saray kiew tan apoter-poter ira; saray bibii aalaen da ra yan itongo. Lapud anggapoy atalusan na saray totoo, ag ira a bageyen o kasian na Dios a Manamalsa ra.

Jeremias 15:5

Say Katawan kuanto, Siopay mangasid sikayo, totood Jerusalem, tan siopay manermen ed sikayo? Siopay mambayag ya onsamar a manepet no antoy kipapasen yo?

Jeremias 15:9

Nalmay so inan naandi so pitoran anak to, abot-aboten toy linawa to. Nagmaliw a kabilongetan so liwawan walad sikato; napnoy kababaingan tan kinmapoy so liknaan to. Papatey kod saray kalaban yo iray akeraan nid sikayon mabilay. Siak, say Katawan, so nansalita.

Jeremias 22:25

insan ta ka iter ed saray malabay a mamatey ed sika, saray totoon tatakotan mo. Ipalima ta kad Ari Nabucodonosor na Babilonia tan saray sondalo to.

Jeremias 27:6

Siak so angyan ed sarayan amin a bansa diad silong na pakayari na aripen kon Ari Nabucodonosor na Babilonia. Panlilingkuren ko met ed sikato iray anggan ayayep ed katakelan.

Jeremias 34:3

Ag ka makabatik; nadakep ka tan nipalima kad sikato. Napilupaan mo tan napitongtongan mo yan ari; insan ka onlad Babilonia.

Ezekiel 23:28

Sikato yay ibabaga na Katawan a Dios: Ipalima ta kad saray totoon kabosul tan pakakaingungotan mo.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 20:4

Ta say Katawan inkuanto, Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Jeremias 32:4

tan ag makabatik si Ari Sedekias. Niawat ed ari na Babilonia; napilupaan to tan napitongtongan ton dili.

Jeremias 36:29

Imbaga na Katawan ed siak ya ikuankod kinen Ari Joakim yan salita to, Pinoolan mo may babasaen, tan tinepet mod kinen Jeremias no akin et insulat ton onsabi so ari na Babilonia a manderal ed sayan dalin, tan pateyen to ray totoo tan saray ayayep dia.

Jeremias 50:17

Say Katawan kuanto, Saray totood Israel et singa ra karniron osil-osilan tan ikaykayat na saray lion. Onona, dinogpaan ira na ari ed Asiria, insan si Ari Nabucodonosor na Babilonia nginangalngal to ray pokel da.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Saray Tagleey 2:22

Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.