Jeremias 2:6 - Maung a Balita Biblia

⁶ Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Maung A Balita Biblia

⁶ Inekal da ak lad kanunotan da, anggaman a siak so angyagel ed sikarad Egipto tan angiwanwan ed sikarad kalawakan: sakey a dalin na kalawakan tan kaabutan, sakey a dalin ya amaga tan walay kaatapan, sakey a dalin ya anggapoy ondadalan tan anggapoy anggan manayam.

Jeremias 2:6 Referans Kwoze

Deuteronomio 32:10

Arumog to ran manaakar-akar ed maawang a kabueran, sakey a kalawakan ya andi-kakanaan tan maples so onsisiplug a dagem. Inyagel to ra tan tinalima to ra, a singa panangyagel tod sikaton dili.

Oseas 13:4

Say Katawan kuanto, Siak so Katawan a Dios ya angipaway ed sikayo ed Egipto. Anggapo lay arum a Dios yo no ag siak labat. Bukbukor ko so manangilaban.

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

Jeremias 2:8

Ag tinepet na saray papari, Kawa-laan na Katawan? Ag ak kabat na saray dilin paparik. Nilabanan ak na saray manoley; nansasalita ray propita diad ngaran nen Baal tan angigagalang irad saray andi-kakanaan a talintaoy diriyos.

Jeremias 2:2

ipulong kod balang sakey a too ed Jerusalem yan salita to: Nanununotan ko no panoy katooran mo nen wala ka nid kalangweran, no panoy impangarom ed siak nen kapankasal ta; tinotombuk mo ak ed kalawakan, diad dalin ya ag nin balut ataneman.

Isaias 64:7

Anggapoy onsisingger ed sikan mampikasi tan onkerew na tulong. Inyamutan mo kami tan inkaindanfy mo kami lapud saray kasalanan mi.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Saray Salmo 77:5

Nanununotan ko ray agew a linmabas tan natatandaan ko ray taon nen saman.

Saray Salmo 23:4

Anggan sankabilongetay dadalanen ko, ag ak ontakot, ta wala kad abay ko. Say baston tan say pekpek mo iyaagel da ak.

Say Libro nen Job 35:10

Balet ag ira onsisingger ed Dios ya amalsa ed sikara, anta sikatoy makapangiter ed sikara na ilalo no mapalaloy kagugunigon da.

Say Libro nen Job 3:5

Nakobutan komun na ermen tan makapal a bilonget iman ya agew; nasakuban komun na lorem tan nasaniban so agew.

2 Saray Arari 2:14

Impaspas tod danum imay kolibemben nen Elias tan kuanto, Kawalaan na Katawan, say Dios nen Elias? Pinaspas to lamet so danum, et abelsay, kanyan nanakar ya anggad basil na ilog.

Saray Huis 6:13

Inkuanen Gedeon ed sikato, No walad sikamiy Katawan, akin sirin et onyay agawad sikami? Onung na tinongtong na saray atateng mi, say Katawan impaway to rad Egipto. Akin et anggapo lay singa onman a gawaen natan na Katawan? Inkaindan to kami la tan pinaolyan to kamin ooleyan na saray Madianita.

Exodo 20:2

Siak so Katawan a Dios yo ya angipaway ed sikayod Egipto ya akaaripenan yo.

Deuteronomio 1:19

Ginawa tayo so ingganggan ed sikatayo na Katawan a Dios tayo. Tinaynan tayo so Palandey na Sinai tan bineltang tayoy maawang tan makapataktakot a kalawakan diad inyakar tayod kapokdulan a dalin da ray Amorreo. Nen asabi tayoy Cades-barnea,

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 51:43

Nagmaliw a makapataktakot a nengnengen iray baley to, tan nagmaliw iran andiay danum a kabueran, ya anggapo lad may toon manaayam odino ondadalan.

Deuteronomio 8:2

Nunot yo no panoy impangiwanwan ed sikayo na Katawan a Dios yo ed loob na apataploy taon diad kalawakan, impanlikna to kayoy kairapan a panubok ed sikayo, pian naamtaan to no antoy ginetma yon gawaen tan no kasi onuren yo ray ganggan to odino andi.

Jeremias 5:12

Imbori na saray Israelita so Katawan. Inkuanda, Anggapo lamlamang so gawaen to. Anggapoy kairapan ya onsabid sikatayo; ag itayo nadalan na bakal odino eras.

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.