Jeremias 18:22 - Maung a Balita Biblia

²² Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.

Maung A Balita Biblia

²² Mangibaki ka pa na olup da ray totoon bigla-biglan mangakokos ed logan na saray kaabungan da; paeyag mo rad takot. Angotkot iray abut a kapelagan ko, tan angyan iray patit a pangerel dad siak.

Jeremias 18:22 Referans Kwoze

Jeremias 6:26

Say Katawan kuanto ed saray totoo to, Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Saray Salmo 140:5

Pinatitan ak na saray mapaatagey a totoo; inlira da ray patit da, tan angyan ira na saray kalut ed dalan ta erelen da ak.

Sofonias 1:16

sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Mateo 22:15

Tinmaynan iray Pariseo tan nantotongtongan da no panoy pangerel dad kinen Jesus, diad panamegley na pantepet da.

Jeremias 20:10

Narerengel koy paneesaesan na saray karaklan, Makapataktakot ed anggan iner a pasen! Kanyan idalem tayod saray makankanepegan! Anggan saray kakaarok a malet aalagden day kapelag ko. Angangko nayarin palikdoen, kuanda; naerel tayo sirin tan makabawi tayo.

Jeremias 18:20

Kaogsan ta so tumang na kamaungan? Balet angotkot iray abut a kapelagan ko. Nunot mo a sinmingger ak ed sika tan insalitaan ko ra nipaakar ed sikara, pian onkepa so pasnuk mod sikara.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, Pangaskasiyan ak! Onsasabi la ran mamatey ed siak!

Isaias 10:30

Eyag kayo, sikayon totood Gallim! Dengel kayo, sikayon taga Laisa! Ebat kayo, sikayon taga Anatot!

Saray Salmo 38:12

Saray malabay a mamatey ed siak et papatitan da ak; saray malabay a mamasakit ed siak et tataktakoten da ak a pateyen; ag ira ontotondan mankokomplut sumpad siak.

Saray Salmo 119:85

Saray mapaatagey ya ag mangoonur na saray ganggan mo et angotkot ira na saray abut a pamatit dad siak.

Jeremias 5:26

Manaayam ed kawalaan da ray totook iray totoon maoges; mantatalaran iran singa totoon mangipapanat na iket a manerel na saray manok, balet inyan da ray patit da a manerel na totoo.

Jeremias 20:16

Niolibay komun iman a too ed saray siudad ya andi-panangasin dinederal na Katawan. Makarengel komun iman a too no kabwasan na saray akis no paniirap, tan no kaagewan say eyag na para bakal,

Saray Salmo 140:6

Kuankod Katawan, Sikay Dios ko. Dengel mo pay ikekerew ko na tulong, O Katawan!

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.