Jeremias 13:17 - Maung a Balita Biblia

¹⁷ No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Maung A Balita Biblia

¹⁷ No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 13:17 Referans Kwoze

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Jeremias 14:17

Ingganggan ak na Katawan ya ibagak ed sikaray nipaakar ed kaermenan ko. Ikuanko, Onagos komun ed agew tan labi so luak, ag ak komun ontondan onakis, lapud mapalaloy inkasugat na saray totook, tan ontan lay inkasakitan da.

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totoo bansak ya apatey-patey.

Saray Salmo 80:1

Dengel mo kami pa, O Pumapastol na Israel; talineng mo kami pa, sika a pangulo da ray karnirom. Sika a manyodyorung ed tronom diad tagey da ray kirubin,

Ezekiel 34:31

Sikayo ran karnirok, say poluk a papakanen ko, et sikayo ray totook, tan siak so Dios yo, kuay Katawan a Dios.

Saray Tagleey 2:18

O Jerusalem, patawag mo na maksil ed Katawan iray padir mo! Paagos mon singa ilog so luam ed agew tan labi; Manakis tan manermen ka lawas ya anggad ikapoy mo.

Saray Tagleey 1:16

Sikato yay makasengeg no akin et managagos ed matak so lua. Anggapoy nayarin manligliwad siak; anggapoy makaiter ed siak na biskeg na linawa. Tinalo ak na saray kalaban; saray totook anggapoy nakdaan a kayaryan da.

Saray Salmo 119:136

Singa ilog a managos iray lua ed matak, lapud ag oonuren na saray totoo so ganggan mo.

1 Samuel 15:35

Legan na impambilay ni nen Samuel ag to la anengneng si Saul; balet nanermen lapud kinen Saul. Nagbabawi so Katawan a ginawa ton arid Israel si Saul.

Ezekiel 36:38

Saray siudad ya aderal-deral ira natan et napano ra na saray totoo a singa inkapano na Jerusalem nen saman na saray karniron imbabagat no pista. Naamtaan dad satan a siak so Katawan.

Saray Tagleey 1:2

Mannangnangis lawas; managagos ed aping toy lua. Diad amin da ray angaaro ed sikato nen saman, anggapoy manligliwa ed sikato ya anggan sakey ed sikara. Nantraidoran na saray kagampi to tan kalaban to ran amin natan.

Jeremias 23:1

Makapataktakot so isintinsia na Dios ed saray manoley a manederal tan mangikakayat ed saray totoo to.

Jeremias 22:5

Balet no ag yo onuren iray salitak, sambaan kod sikayo a nageba yan palasio. Siak, say Katawan, so nansalita.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Isaias 63:11

Balet kabebekta anunotan da ray apalabas ya agew nen Moises ya aripen na Katawan, tan tinepet da, Iner natan so kawalaan na Katawan ya angilaban na saray pangulo da ray totoo to ed kalener dad dayat? Kawalaan na Katawan ya angiter ed kinen Moises na ispiritu to?

1 Samuel 15:11

Magbabawi ak a ginawak ya ari si Saul; imbeneg to ak tan ag to inonur iray ganggan ko. Apasnukay Samuel, tan sanlabin akikasi ed Katawan.

Jeremias 15:17

Ag ko inarap so akiliket-liket tan akielek-elekan ed saray totoo. Lapud impangonur kod saray ganggan mo, nambukbukor ak tan napno ak na pasnuk.

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Ezekiel 9:4

Lakad intiron siudad na Jerusalem, ta markaan moy muling na balang sakey a toon maermen tan magunigon, lapud amin a makapaingungot a nagagawad siudad.

Ezekiel 24:16

Inkuanto, Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Saray Tagleey 3:48

Singa ilog ya onaagos so luak lapud inkaderal na saray totook.