Jeremias 12:9 - Maung a Balita Biblia

⁹ Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Maung A Balita Biblia

⁹ Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Jeremias 12:9 Referans Kwoze

Isaias 56:9

Say Katawan imbaga tod saray arum a bansa ya ondago ran singa saray ayayep ed takel tan buagen da ray totoo to.

Jeremias 7:33

Magmaliw a kanen na saray manok tan saray ayayep ed katakelan iray bangkay, tan anggapoy manibwak a manaktakot ed sikara.

2 Saray Arari 24:2

Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Jeremias 15:3

Siak, say Katawan, ginetmak lan apatiran makapasinagem a segsegang so ondalan ed sikara: napatey ira; bingbingkasen na saray aso iray bangkay da; kanen na saray manok iray bangkay da, tan buagen na saray ayayep ed katakelan iray nakeraan.

Jeremias 2:15

Singa ra lion a nangwam ed sikato; makmaksil so pangwam da. Ginawa ran andi-kakanaan so dalin to; aderal-deral iray baley to, kanyan anggapo lay manaayam.

Jeremias 34:20

Ipadakep ko rad saray kalaban da a mampilalek a mamatey ed sikara, et kanen na saray manok tan saray ayayep ed katakelan iray bangkay da.

Saray Tagleey 1:17

Inyonat ko ray limak, balet anggapoy ontulong ed siak. Anawag ed kaliber-liber so Katawan na saray onlaban ed siak. Marotak a bengatla so pangipapasen dad siak.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Ezekiel 34:5

Lapud anggapoy mamapastol ed saray karniro, nikaykayat ira tan pinapatey tan binubuag ira na saray ayayep ed katakelan.