Jeremias 12:8 - Maung a Balita Biblia

⁸ Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Maung A Balita Biblia

⁸ Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Jeremias 12:8 Referans Kwoze

Amos 6:8

Say Katawan a Dios a Makapanyarin-amin et masimoon ton inter yan pasakbay: Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.

Oseas 9:15

Say Katawan kuanto, Ginmapod Gilgal ya amin iray maoges a gagawaen da. Diman so angigapwan koy pambosul kod sikara. Lapud saray maoges a ginagawa ra, pataynanen ko rad dalin ko. Ag ko la ra aroen; linmaban ed siak ya amin iray pangulo ra.

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Jeremias 51:38

Saray taga Babilonia mangwam ira a singa saray lion, tan manngengem iran singa saray anak na lion.

Jeremias 2:15

Singa ra lion a nangwam ed sikato; makmaksil so pangwam da. Ginawa ran andi-kakanaan so dalin to; aderal-deral iray baley to, kanyan anggapo lay manaayam.

Isaias 59:13

Sinmumpa kamid sika, impolisay mi ka, tan ag mi ka inonur. Pinapairap mi ray arum tan inmarawi kamid sika. Pikewet iray kanunotan mi; tila ray salita mi.

Ezekiel 23:18

Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Mikias 2:8

Say Katawan inmebat, Dodogpaan yon singa kalaban iray totook. Onsesempet iran nanlapud bakalan iray lalaki ta abaloan dan arawi rad kaatapan no wala rad kaabungan, balet wadtan kayon manaalagar a manakew na akasolung a kawes da.