Jeremias 10:18 - Maung a Balita Biblia

¹⁸ Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Maung A Balita Biblia

¹⁸ Say Katawan pataynanen to kayo lad sayan dalin; pasegsegangen to kayo ya anggad anggapoy natilak ed sikayo. Say Katawan so nansalita.

Jeremias 10:18 Referans Kwoze

1 Samuel 25:29

No walay ondogpad sika tan labay to kan pateyen, say KATAWAN a Dios iyarawi to kad kaatapan, a singa pambantay na sakey a too ed mablin kayamanan. Ibasileng na KATAWAN iray kalaban mo, a singa pangipalsut na sakey too ed saray bato.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.

Ezekiel 6:10

Naamtaan da a siak so Katawan tan saray pasakbay ko et aliwan andi-kakanaan iran taktakot.

Jeremias 23:20

tan ag ontonda ya anggad nasumpal toy labay ton gawaen. Diad saray agew ya onsabi natalutalusan ya na saray totoo to.

Jeremias 16:13

Kanyan ibantak ta kayod dalin ya ag yon balut kabat tan saray lalaki yo. Diad agew tan labi, diman kayo manlingkur ed saray arum a diriyos, tan ag ta kayo kasian.

Deuteronomio 28:52

Dogpaan day amin a baley ed dalin ya iiter ed sikayo na Katawan a Dios yo, tan nageba ray atatagey a padir a panmamatalkan yo.

Jeremias 22:26

Ibantak ta ka tan say inam diad ag mo nianakan a bansa, tan diman kayon dua ompatey.

Sofonias 1:17

Say Katawan kuanto, Iyakar ko yan deral ed saray katoowan, pian balang sakey et kumarapas a singa bulag. Nankasalanan irad siak, kanyan natan naibung a singa danum so dala ra, kitongilang a naboboluk ed dalin iray bangkay da.

Isaias 22:17

Nayarin sakey kan matalonggaring, balet demeten tan ibasibas ka na Katawan.