Isaias 8:4 - Maung a Balita Biblia

⁴ Kasakbayan a nayarian to lan ibagay Ina tan Ama, say ari na Asiria alaen ton isempet iray amin a kayamanan na Damasco tan amin ya asamsamsam na Samaria.

Maung A Balita Biblia

⁴ Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Isaias 8:4 Referans Kwoze

Saray Taga Roma 9:11

Ta say impamili na Dios ed sakey ya anak et onung ed labay ton dili, aliwan onung ed gaway too, kanyan kasakbayan a nianak ira may siping tan kasakbayan iran makapanggaway maung o maoges,

Jonas 4:11

Siak ni kasiy ag mangasi ed Ninive amta balbaleg a siudad, tan walaan na sanlasus tan duamplon libo ya anggapoy amtan ogogaw, likud ed saray amayamay ya ayayep?

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyar tinaon a nambabayar na buis ed sikato.

2 Saray Arari 16:9

Inmabubon si Tiglat-pileser ed kerew nen Acaz. Dinogpaan to tan saray sondalo to so Damasco, adakep da, pinatey day Ari Rezin, tan inawit dad Kir iray totoon adakep da.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoom manaayam ed sarayan siudad, insan inawit to ran priso ed Asiria.

Deuteronomio 1:39

Insan inkuan na Katawan ed sikatayon amin, Saray ogogaw nin anak yo ya ag da amtay maung tan maoges so makaloob ed dalinsaray anak yon ibabaga yon singkaten ira na saray kalaban yo. Iter kod sikara so dalin, tan panayaman da.

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.

Isaias 8:5

Akisalita lamet so Katawan ed siak.

Isaias 17:1

Sikato yay propisiya a nipaakar ed Damasco. Inkuan na Katawan, Magmaliw ya aliwa lan siudad so Damasco; magmaliw labat lan bonbontun na deral-deral.

Amos 1:3

Say Katawan kuanto, Nankakasalanan iray totod Damasco, kanyan andi-saew a dusaen ko ra. Mapalaloy impanduduksa rad saray totod Galaad.

Isaias 28:4

Say onkukupas a kagalangan da ra may mapaatagey a pangulo et naandipat a singa saray onaan a bungay igos, naborbor ira tan naakan iran tampol no kaloto ra.

Amos 1:5

Gaygayen ko ray puirta na siudad na Damasco tan paekalen ko ray totoon manaayam ed Patar na Aven tan say manoley na Bet-eden. Naalan priso ed dalin na Kir iray totoon taga Siria.