Isaias 57:1 - Maung a Balita Biblia

¹ Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Maung A Balita Biblia

¹ Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Isaias 57:1 Referans Kwoze

2 Saray Arari 22:20

kanyan no inatey ka la so panusak ed Jerusalem. Iyabuloy kon mareen so ipatey mo. Pinmawil ed kinen Ari Josias ira may totoo tan imbaga ra yan salita.

Saray Salmo 12:1

Tulongan mo kami pa, Katawan! Anggapo lay maung a toon atilak; naandipat la ray totoon napanmatalkan.

2 Saray Awaran 34:28

kanyan no inatey ka la so panusak ed Jerusalem. Iyabuloy kon mareen so ipatey mo. Pinmawil ed kinen Ari Josias ira may totoo tan imbaga ra yan salita.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar a pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Isaias 42:25

Lapud saya indapo tod sikatayoy pasnuk to tan impanirap to tayod bakal. Singa apoy ya amool ed intiron Israel so pasnuk to, balet ag tayo atalusan no antoy kabaliksan na nagagawa; ag tayon balut akaaral ed agawa.

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

2 Saray Awaran 35:24

Inekal dad karwahi to, inkarga rad sananey a karwahi ton wadwan, insan da inyakar ed Jerusalem. Inatey diman tan nipompon ed kamposanto da ray arari. Nanermen ya amin iray totood Juda tan Jerusalem lapud impatey to.

2 Saray Awaran 32:33

Inatey si Ezekias tan nipompon ed niatagey a parti na kamposanto da ray arari. Pinagalangan na amin da ray totood Juda tan Jerusalem si Ezekias diad impatey to. Si Manases a lakin anak to so sinmalat ed sikaton nanari.

1 Saray Arari 14:13

Panermenan na amin a totood Israel, insan da ipompon. Sikato labat so kabyangay pamilya nen Jeroboam a maung so kipompon to, ta bukbukor toy akaliketan na Katawan a Dios na Israel.

Isaias 57:11

Say Katawan kuanto, Siopa ra yan diriyos a mamapatakot ed sikayo, kanyan tilatilaan yo ak tan sigput yo ak lan lilingwanan? Tinondaan yo lay pangigagalang yod siak lapud abayag ak ya ag oneseesel?

Saray Bilang 23:10

Singa karakel na dabuk so karakel na saray Israelita. Diad gaway karakel da ag ira nabilang. Ompatey ak komun a sakey a matonung, Mangangga komuy bilay ko a sakey ed saray totoo na Dios.

Saray Salmo 37:37

Imanom so toon maung, asikasom so toon matonung; say toon maarod kareenan et wala ray kabyangay boleg to,

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang say desyang ya ag mon balut inilaloan!

Jeremias 18:11

Natan sirin, ibagam ed saray totood Juda tan saray taga Jerusalem a walay getmak a sumpaen ira tan ipaparaan koy panusak ed sikara. Ibagam ed sikara a tondaan da lay maoges a panagbilay dasalatan da lay kabibilay da tan bengatlan gagawaen da.

Jeremias 22:10

Totood Juda, ag yo aakisan si Ari Josias, odino eermenan so impatey to. Balet akisan yoy ampaipait si Joacaz a lakin anak to; aawiten dad arawin pasen tan ag lan balut makapawil; ag to lan balut nanengneng so dalin ton nianakan.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.