Isaias 5:16 - Maung a Balita Biblia

¹⁶ Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Maung A Balita Biblia

¹⁶ Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Isaias 5:16 Referans Kwoze

Saray Salmo 46:10

Kuanko, Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.

Isaias 12:4

Onsabiy agew a saray totoo ikanta ra, Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

1 Saray Awaran 29:11

Kayaryan mo, Katawan, so talonggaring, pakapanyari, pananalo, kagalangan, tan tanduro. Kayaryan moy amin a bengatlad tawen tan diad dalin. Sika so ari tan sankatageyan a manoley ed ganagana.

1 Pedro 2:15

Ta labay na Dios a patondaen yoy andi-kakanaan a lalabiren da ray makulang-kulang a totoo, diad panamegley na saray maung a gagawaen yo.

Ezekiel 36:23

No iparontal kod saray bansa so kasantosan na mablin ngaran kosay ngaran ya impelag yod kababaingan diad pegley danakabatan dad satan a siak so Katawan. Siak, a Katawan a Dios, so nansalita. Ikana ta kayo a mangiparontal ed saray bansa a masanto ak.

Isaias 29:23

No nanengneng yo ray ogogaw ya iter kod sikayo, nabirbir yod satan a siak so masanto a Dios na Israel. Igalang yo ak tan mankelaw kayon manalagey ed arap ko.

Puyan 3:7

Isulat mod anghil na iglisia ed Filadelfia: Sikato yay ibabaga na masanto tan matwa a sankabembenan toy tombuk nen David; anggapoy makapangikaput ed antokaman ya ilokas to, tan anggapoy makapangilokas ed antokaman ya ikaput to.

Isaias 33:5

Matalonggaring a tuloy so Katawan! Ooleyan toy amin a bengatla. Panoen to na kaptekan tan inkatonung so Jerusalem,

Isaias 8:13

Ag mo lilingwanan a siak, say Katawan a Makapanyarin-amin, et masanto; siak so nepeg mon takotan.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.

Isaias 57:15

Siak so atagey tan masanton Dios a mambibilay ed ando lan ando. Manaayam ak ed atagey tan masanton pasen, balet manaayaman ak met ed kawalaan da ray mapaabeba tan magbabawin totoo, pian nipawil koy biskeg na linawa ra tan say ilalo ra.

Isaias 2:17

Mansamput so panagpaatagey na too tan naderal so panagpasirayew na amin a katoowan. Naandipat a sigput iray talintaoy diriyos, tan nitanduro so Katawan labat diad satan ya agew.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: Masanto, masanto, masanto so Katawan a Dios a Makapanyarinamin, say Dios nen saman, natan, tan say onsabi.

Isaias 61:8

Say Katawan kuanto, Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Isaias 28:17

Say inkatonung so mitro a panukat ed samay pundasion, tan say kaptekan so patawin to. Say oran a kristal so mangyanur ed saray tilan panmamatalkan yo, tan deralen na delap so salimbengan yo.

Isaias 6:3

Mantatawagan ira: Masanto, masanto masanto! Masanto so Katawan a Makapanyarin-amin! Say sankamundoan napno na kagalangan to.

Saray Salmo 21:13

Idayew mi ka, Katawan, lapud ontan lan biskeg mo! Ikanta tan idayew miy pakayarim.

Isaias 30:18

Anggaman ontan, manaalagar so Katawan a mangasid sikayo. Sipaparaan a mangasid sikayo lapud matonung lawas so gagawaen to. Maliket iray totoon manmamatalek ed Katawan.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Levitico 10:3

Insan inkuanen Moises ed kinen Aaron, Sikato yay sasalitaen na Katawan nen inkuanto, Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko! Balet ag inmesel si Aaron.

1 Pedro 1:16

Ta ibabagay Masanton Sulat, Nepeg a masanto kayo, ta masanto ak.

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

Isaias 33:10

Say Katawan kuantod saray bansa, Natan, siak so onggalaw. Ipanengneng koy ontan lan pakayarik.

Ezekiel 20:41

Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.

Daniel 4:37

Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.

Saray Bilang 20:13

Agawa ya ed dalin na Meriba a diay nanriklamoan na saray Israelita sumpad Katawan tan diay angipanengnengan to a sikatoy masanto.

Isaias 2:9

Napaabeba tan napelag ed kababaingan so balang sakey ed sikara. Ag mo pa ra pipirdonaen, O Katawan!

Ezekiel 28:25

Say Katawan a Dios kuanto, Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.