Isaias 34:1 - Maung a Balita Biblia

¹ Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Maung A Balita Biblia

¹ Gali dia, sikayon totood amin a bansa! Mantitipon kayo tan dengel kayo. Singger tan dengel kayo, amin yon manaayam ed intiron mundo.

Isaias 34:1 Referans Kwoze

1 CORINTO 10:26

Ta ibabagay Masanton Sulat, Kayaryan na Katawan so mundo tan amin a logan to.

Isaias 43:9

Pantitipon yo ray amin a totoo ed saray bansa. Siopad saray diriyos da so makapangipasakbay ed nagawa ed arapen a panaon? Siopad sikaray angipasakbay ed nagagawa natan? Iyarap komun na sarayan diriyos iray tasi ra a mamaneknek ya ag ira alingo, a mangipaliwawa ed katwaan na saray salita ra.

Isaias 41:1

Say Dios kuanto, Mandeen kayo tan dengel yo ak, sikayo ran arawin dalin! Mamparaan kayon mangiparontal na kaso yo ed korti; nawalaan kayoy pankanawnawan mansalita. Mantitipon tayon manimbang no siopay walad katonungan.

Isaias 1:2

Inkuan na Katawan, Sikayon tawen tan mundo, dengel yoy ibagak! Linmaban ed siak iray pinabaleg kon anak.

Jeremias 22:29

O dalin, dalin, dalin! Dengel yoy inkuan na Katawan:

Isaias 33:13

Say ginawak et narengelan komun na balang sakey a walad arawi odino asingger tan birbiren da komuy pakayarik.

Deuteronomio 32:1

Tawen tan dalin, dengel yo ray salitak, dengedengel yoy ibagak.

Puyan 2:7

Sikato ran walay layag, dengel yoy ibabagay Ispiritu ed saray iglisia! Saray manalo itdan ko ray kanepegan a mangan na bungay kiew na bilay ed Paraiso na Dios.

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 18:3

Dengel kayo, amin yon manaayam ed tapew na dalin. Nengneng yoy tandan bandiran nipaalagey ed saray toktok na palandey! Dengel yoy itanul na trumpita!

Saray Salmo 96:10

Ibaga yod amin a bansa, Manaari so Katawan! Malet so inkiletneg na mundo tan ag balut natenyeg; matonung so panintinsia tod amin a katoowan.

Saray Salmo 50:1

Mansasalitay Katawan, say Dios a Makapanyari; tatawagen toy intiron mundo, manlapud bokig ya anggad sagur.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Huis 5:31

Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Saray Huis 5:3

Dengel kayo, sikayo ran arari! Talineng kayo, sikayo ran manoley! Kantaan tan togtogan ko so Katawan a Dios na Israel.

Deuteronomio 4:26

Nitan so tawen tan say dalin a sikara natan so mantasi sumpad sikayo a no ag yo ak onuren, ag mabayag naandipat kayod dalin. Ag kayo mambayag a manayam ed dalin ed nibaliw na Jordan a ngalngali yo la napanayaman. Sigput kayon napatey.

Genesis 6:13

Inkuan na Dios ed kinen Noe, Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Isaias 48:16

Singger kad siak natan tan dengel moy ibagak. Nanlapu lad gapo anggapoy iyaamut kod panagsalitak tan tinmua ya amin iray salitak. (Natan say Katawan a Dios initdan to ak na pakayari to tan imbaki to ak.)

Ezekiel 38:17

Sika so sinalitak la nen abayag lan panaon, nen imbawag ko diad panamegley na saray aripen kon propita ed Israel, ya onsabi ray agew a mangibaki ak na toon ondogpad Israel. Say Katawan a Dios so nansalita.

Obadias 1:1

Sikato yay propisiya nen Obadiassay imbaga na Katawan a DIOS nipaakar ed bansa na Edom. Say Katawan imbaki tod saray bansa so managbalita to, et nadngel mi so imbalita to: Mamparaan kayo! Onla itayon mibakal ed Edom!

Isaias 63:1

Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg? Sikato so Katawan, makapanyarin mangilaban, ya onsabin mangibawag na pananalo to.

Jeremias 49:7

Sikato yay inkuan na Katawan a Makapanyarin-amin nipaakar ed Edom: Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?