Isaias 32:4 - Maung a Balita Biblia

⁴ Naekal so inkaingungot da, magmaliw iran marunong ya ontalus tan matoor ed salita ra.

Maung A Balita Biblia

⁴ Naekal so inkaingungot da, magmaliw iran marunong ya ontalus tan matoor ed salita ra.

Isaias 32:4 Referans Kwoze

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.

TAGA GALACIA 1:23

Abalitaan da labat a say toon nampapairap ed sikara nen saman et mangipupulong la natan na pananisian sineetan ton deralen.

Saray Gawgawa 6:7

Kinmayat lan kinmayat so salitay Dios, tan diad Jerusalem dinmakel lan dinmakel iray mananisia. Amayamay iray pati paparin anisia.

Saray Gawgawa 4:13

Mankelaw iray kabyangay Sanidrin ed tepel na linawa di Pedro tan Juan. Lalon mankelaw ira nen naamtaan da ya ordinario labat iran totoo, tan anggapoy aral da. Naamtaan dad satan a kabkaiba ray Jesus nen saman.

Mateo 16:17

Inkuanen Jesus ed sikato, Maliket kan tua, Simon ya anak nen Jonas! Ta say Amak ed tawen so angipaamtad sika yan katwaan, aliwan say too.

Mateo 11:25

Inkuanen Jesus ed satan, Misasalamat ak ed sika, Ama, Katawan na tawen tan dalin, ta inyamut mo ra yan bengatla ed saray makabat tan makatalus, tan impaamtam ed saray totoon mapaabeban singa saray ogogaw.

Kanta nen Solomon 7:9

tan singa sankasamitan ya alak so sangim. Ontan sirin onagos komun a balibali so alak ed inarok, onagos ed saray bibil tan saray ngipen to.

Exodo 4:11

Inkuan na Katawan ed sikato, Siopay nanggawa na sangiy too? Siopay nanggagawa a telek tan omel so too? Siopay mangiiter na pakanengneng tan say pakabulag ed too? Aliwa tan siak a Katawan?

Isaias 35:4

Ibaga yod balang sakey a toon nakalay biskeg na linawa, Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.

Isaias 35:5

Diad satan, makanengneng iray bulag, tan makadngel iray telek.