Isaias 32:3 - Maung a Balita Biblia

³ Silolokas ed satan iray mata ra tan saray layag dan mannengneng tan mandengel ed saray totoon walad pankaukolan.

Maung A Balita Biblia

³ Silolokas ed satan iray mata ra tan saray layag dan mannengneng tan mandengel ed saray totoon walad pankaukolan.

Isaias 32:3 Referans Kwoze

Isaias 29:18

No onsabi tan ya agew, say telek nayarian ton dengelen so libron nibasa ed maksil, tan say bulag ya abayag lan mambibilay ed kabilongetan et nalokasan iray mata to tan makanengneng.

2 CORINTO 4:6

Ta say Dios ya angibaga, Ompaway a manlapud kabilongetan so liwawa! et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

Saray Gawgawa 26:18

Ibaki ta kad sarayan totoo a mangilokas na saray mata ra, mamaasingger ed sikarad liwawa manlapud bilonget, mamaasingger ed sikarad Dios manlapud pakayari nen Satanas! Diad panamegley na pananisia rad siak, napirdona ray kasalanan da tan makapibiang irad saray totoon piniliy Dios!

Marcos 7:37

Ontan lay pankelaw da ray akadngel ed sayan balita tan inkuanda, Agaylay abig na amin a gagawaen to! Iitdan toy pakadngel iray telek, tan pakasalita iray emel!

Isaias 54:13

Siak a dili so mambangat ed saray totoom tan mangiter ed sikara na ontan lan aligwas na bilay.

Isaias 29:24

Naaralan na saray makulang-kulang so ontalus, tan manliket a paibangat iray mariklamo lawas.

Mateo 13:11

Inmebat si Jesus, Niiter ed sikayoy pakaamta ed saray bengatlan nipaakar ed Panariay tawen, balet andid sikara.

Jeremias 31:34

Anggapod sikaray nepeg a mangibangat ed kabansaan to na nipaakar ed pangamta ed Katawan, ta nakabatan da ak ya amin, abeba may atagey so kipapasen da. Pirdonaen ko ray kasalanan da tan ag ko la nunoten iray ginagawa ran kaogsan. Siak, say Katawan, so nansalita.

Isaias 30:26

Say bulan magmaliw a maliwawan singa agew, tan say agew magmaliw a mamimpitoy kinaliwawa to, a singa kinaliwaway pitoran agew a nankakasakey. Nagawa ra yan amin no berberen tan paabigen na Katawan iray sinusugat tod saray totoo to.

Isaias 42:16

Itabin ko ray bulag a totook diad saray dalan ya ag da nin balut nanakaran. Pagmaliwen kon liwawa so bilonget da tan pataren koy matibagkul a dalin da. Sikara yay sipan ko, et sumpalen ko ran sumpalen.