Isaias 23:10 - Maung a Balita Biblia

¹⁰ Sikayo ran totood saray dalin a sakop na Espanya, laka yo lan ondalus ed kaalogan yo, ta anggapo lay manebel ed sikayo.

Maung A Balita Biblia

¹⁰ Sikayo ran totood saray dalin a sakop na Espanya, laka yo lan ondalus ed kaalogan yo, ta anggapo lay manebel ed sikayo.

Isaias 23:10 Referans Kwoze

Isaias 23:14

Managogul kayod ermen, sikayon nigosiantid dayat! Aderal lay siudad a nanmatalekan yo.

Saray Salmo 18:32

Sayan Dios a mamapabiskeg ed siak, eekalen toy kaatapan ed dalan ko.

Say Libro nen Job 12:21

Ipepelag tod kakabaingan iray walad pakayari, tan patotondaen toy biskeg da ray manoley.

1 Samuel 28:20

Atumban tampol si Saul tan naonat ed dalin, ta ataktakot ed imbaga nen Samuel. Makapkapoy, ta ag balut angan a sanagew tan sanlabi.

Saray Taga Roma 5:6

Ta sanen anggapoy nagawaan tayo ni, si Cristo inatey nen panaon a manepeg para saray makasalanan.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Saray Tagleey 1:6

Say kagalangan na Jerusalem naandi la. Saray pangulo to singa ra saray ulsan makapkapoy lad eras, A ngalngali la naandiay biskeg legan ton ibabatikan iray umaanup.

Isaias 19:7

tan namagaan ya amin iray tanaman ed gilig na Ilog na Nilo insan ira nitikyab.

Isaias 23:9

Say Katawan a Makapanyarin-amin so angiplano. Implano to ya, pian napatonda toy panagpaatagey da ray taga Tiro ed saray agawgawaan da tan ontan met pian napaabeba to ray gagalangen dan totoo.

Isaias 23:11

Inyonat la na Katawan so lima tod tapew na dayat tan tinatalo to ray nanarian. Ingganggan to a deralen dad Fenicia iray pasen a kawalaay ankakabaleg a nigosio.

Ezekiel 26:18

Natan, diad agew na inkageba na siudad, Manggiwgiw iray isla, Tan atalagnaw iray totoo ra lapud inkaderal to.