Isaias 22:1 - Maung a Balita Biblia

¹ Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Maung A Balita Biblia

¹ Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Isaias 22:1 Referans Kwoze

Jeremias 21:13

Sika, Jerusalem, manyodyorung kad pasen ya atagey nen saray patar, a singa baton-dampay ya atagey nen say palanas a dalin. Balet, siak, say Katawan, labanan ta ka. Ibabagam ya anggapoy makadogpa ed sika odino makaloob ed kawalaan mo.

Saray Salmo 125:2

No panon so inkaliber na Jerusalem na kapalandeyan, ontan met so panasayakop na Katawan ed saray totoo to, natan tan anggad angga.

Joel 3:14

Nilibon totoo iray walad Patar na Sintinsia. Diman so sabian naani na Agew na Katawan.

Joel 3:12

Saray bansa et nepeg a mamparaan ira, ta ondago ra ed Patar na Sintinsia. Siak, a Katawan, et onirung ak diman a manintinsia ed amin a kaliber-liber a bansa.

Isaias 15:3

Akakawes na sako iray totood daladalan; maermen tan mannangis iray totoo ed saray plasa tan diad saray toktok na abung.

Saray Taga Roma 3:2

Talagan dakel! Onona, saray Judio so angipiaan na salitay Dios.

Mikias 3:6

Sikayon propita, ngalngali la manganggay agew yo; naselekan kayo la na agew. Lapud papalikdoen yo ray totook, ag kayo la makanengneng na pasingayew, tan ag kayo la makapampropisiya na tua.

Jeremias 48:38

Diad amin a toktok na abung ed Moab tan diad amin a plasa to, akis na kaermenan labat so narerengel lapud binetag kon singa pasig so Moab kanyan anggapo lay malabay.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Probirbio 29:18

Say bansan anggapoy panangiwanwan na Dios et sakey a bansan anggapoy oksuy. Maliket so toon mangoonur na ganggay Dios!

Saray Salmo 114:5

O Dayat, antoy agawa, et binmatik ka? Tan sika, Jordan, akin et tinmonda kan onagos?

2 Saray Arari 6:28

Antoy gunigon mo? Inmebat imay bii, Nen sakey ya agew imbaga na sayan bii a kanen miy anak ko, insan diad ontombuk ya agew say anak to.

2 Samuel 14:5

Antoy labay mo, tepet na ari. Balo ak a mairap-bilay, ebat to. Inatey lay asawak.

1 Samuel 11:5

Onsasabid saman si Saul a nanlapud alog tan sankatengteng to ray baka to. Tinepet to, Antoy maoges ya agawa? Akin et onaakis so balang sakey? Imbaga rad sikato so imbalita da ra may nanlapud Jabes.

1 Samuel 3:1

Diad saraman ya agew nen si ogaw a Samuel et manlilingkur ed Katawan diad silong na panangiwanwan nen Eli, mataltalag a narengel so bosis na Katawan, tan pigpigaray nagagawan payawar to.

Saray Huis 18:23

tan ineeyagan da ra. Pinmoliktar ira may kabyangay tribu nen Dan tan tinepet dad kinen Micaya, Akin, antoy agawa? Akin ira tay amayamay a totoo?

Deuteronomio 22:8

No mamaalagey kayoy balon abung, kargaan yon kargaan na barandilyas iray gilig na atep to. Diad satan anggapo lay kasalanan yo no walay napelag tan ompatey.

Genesis 21:17

Arengel na Dios so panaakis na samay ogaw, tan manlapud tawen inkuan na sakey ya anghil na Dios ed kinen Agar, Antoy panggugunigonan mo, Agar? Ag ka natatakot. Arengel na Dios so panaakis na ogaw.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Isaias 22:5

Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.

Jeremias 32:29

tan poolan da. Poolan da ray pati abung a nampopoolan na saray totoo na insinson bagat ed kinen Baal diad saray toktok na kaabungan tan nankakalboan da na alak a bagat ed saray diriyos. Diad sarayan abung saray totoo impanpasnuk da ak.

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.