Isaias 21:2 - Maung a Balita Biblia

² Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Maung A Balita Biblia

² Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 21:2 Referans Kwoze

Jeremias 49:34

Nen agano nin manaarid Juda si Sedekias, akisalitad siak so Katawan a Makapanyarin-amin nipaakar ed bansa na Elam.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Saray Salmo 60:3

Impanirap mon mapalalo iray totoom; mandongilngil kamin singa abuek.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.

Daniel 5:28

say Parsin et paldua, ta apalduay nanarian mo tan niiter ed saray taga Media tan saray taga Persia.

Daniel 8:20

Samay anengneng mon karniron kalakyan a duaray saklur to et say nanarian na Media tan Persia.

Saray Tagleey 1:22

Sintinsiaan mo pa ray dusa lapud saray kaogsan da; Dusam ira a singa impanusam ed siak, lapud saray kasalanan ko. Mapalaloy panayay ko, tan ansakit so pagew ko.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. Atumba ray padir na Babilonia.

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, Tareman yo ray pana yo! Iparaan yo ray samper yo!

Jeremias 50:34

Balet mabiskeg so mangyagel ed sikaraYahweh a Makapanyarin-amin so ngaran to. Sikaton diliy mangyalagey ed sikara tan mangyakar na kareenan ed mundo, balet gunigon so iyakar tod saray taga Babilonia.

Jeremias 50:14

Lalakin pumapana, mandarasig kayon mibakal ed Babilonia, insan yo lakoben. Ipalsut yo ray amin a pana yo ed Babilonia, ta nankasalanan ed siak a Katawan.

Jeremias 45:3

ibabagam, Pakaskasi ak la! Say Katawan inaruman to na ermen iray gunigon ko. Makapkapoy ak lad panagdageyem, tan ag ak makapampainawa!

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Jeremias 31:20

Israel, sikay pinablik ya anak, say anak kon inararo. Kapag bitlaen koy ngaran mo, nununoten ta ka a katekep na panangaro. Milmilay linawak ed sika; andi-duaruwan kasian ta ka.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 22:6

Sinmabin akakabayo iray sondalon taga bansa na Elam, tan sankaawit day pana. Saray sondalon taga Kir imparaan da ray samper da.

Probirbio 13:15

Kagalangan so iiter na pangikanay olo, balet mamapaarap ed deral iray totoon ag napanmatalkan.

Saray Salmo 79:11

Dengel mo pay panay-ay da ray priso tan lapud baleg a pakayarim ibolus mo pa ray asintinsiaan lan ompatey.

Saray Salmo 12:5

Balet kuay Katawan, Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!

1 Samuel 24:13

Onung na inkuay sakey a daan a balikas, Saray maoges a totoo labat so manggaway kaogsan. Kanyan ag ta ka pasakitan.

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

Saray Salmo 25:3

Ag nabaingan iray manmamatalek ed sika, no ag ingen saray bengatbengat ya onsusumpad sika.

Saray Salmo 119:158

Nanaingungotan ak no nanenengneng ko ray traidor, ta ag da oonurey ganggan mo.

Daniel 5:9

Diad inkagunigon nen Ari Belsasar lalon pinmotiy bosaleg to, tan ag amtay gawaen na saramay manonan opisyal to.

Genesis 10:22

Saray lalakin anak to sikara di Elam, Asur, Arpaksad, Lud, tan Aram.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 14:4

No gawaen ya na Katawan, nepeg dan ludlureyen so ari na Babilonia tan ikuanda: Atalo la so maruksan ari! Ag to lan balut mampairap na siopaman!

Isaias 14:7

Sinmabin siansia ed intiron mundo so inawa tan kareenan, tan mankantad liket so balang sakey a too.

Jeremias 49:35

Inkuanto, Pateyen kon amin iray pumapana a ginawa ran makapanyarin maung so Elam.

Daniel 8:2

Diad sayan pasingayew biglan niwala ak ed dalem na aliber na padir a siudad na Susa diad luyag na Elam. Manalalagey ak ed gilig na Ilog na Ulai,