Isaias 21:16 - Maung a Balita Biblia

¹⁶ Insan inkuan ed siak na Katawan, Diad loob na duga-rugan sakey taon mangangga so inkatalonggaring na saray tribu na Kedar.

Maung A Balita Biblia

¹⁶ Insan inkuan ed siak na Katawan, “Diad loob na duga-rugan sakey taon mangangga so inkatalonggaring na saray tribu na Kedar.

Isaias 21:16 Referans Kwoze

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Isaias 16:14

Balet natan say Katawan kuanto, Diad loob na dugarugan taloy taon, naandipat so baleg a kayamanan na Moab. Dagdaiset so nakeraan ed saray amayamay a totoo to, tan nakapoyan ira yan nakeraan.

Saray Salmo 120:5

Say piamung ed sikayo et singa kaoges na panayam ed Mesec o piamung ed saray taga Kedar!

Ezekiel 27:21

Saray taga Arabia tan saray manoley ed dalin na Kedar et imbayar dad saray lakom iray kordiro, karniro, tan kanding.

Kanta nen Solomon 1:5

Bibiid Jerusalem, andeket ak balet maganggana ak, andeket ak a singa saray tulda ed Kedar, balet maganggana ak a singa kurtinad palasio nen Solomon.

Jeremias 49:28

Sikato yay propisiya na Katawan nipaakar ed tribu nen Kedar tan saray pasen ya ooleyan nen Hazor, a tinalo ra nen Ari Nabucodonosor na Babilonia: Laka, ta dogpaan mo ray totood Kedar; deral mo so tribu na saray totoon taga bokig!

Isaias 42:11

Say kalawakan tan saray baley to et igalang da komun so Dios; igalang komun na saray totood Kedar! Saray totoon manaayam ed siudad na Sela et oneyag ira komun diad toktok na kapalandeyan lapud liket da!

Genesis 25:13

Nia ray kangaranan na lalakin anak nen Ismael, manlapud sankapangulowanan ya anggad sankayogtanan: Nebayot, Kedar, Abdeel, Mibsam,

Say Libro nen Job 7:1

Say bilay na too singa pinasoot a panaglingkur na sondalo, singa bilay na pinasyan panagtrabaho.

1 Saray Awaran 1:29

Nagmaliw a pangulo na saray labinduan boleg iray lalakin anak nen Ismael: di Nabayot (say sankapangulowanan ya anak nen Ismael), Kedar, Adbeel, Mibsam,

Jeremias 2:10

Lakad sagur ya anggad isla na Chipre tan mangibaki kad bokig ya anggad Kedar. Nanengneng mo ya anggapoy singa onyan agawa nen saman.