Habacuc 1:8 - Maung a Balita Biblia

⁸ Maples nen saray liopardo iray kabayo ra, tan masebeg ira nen saray narasan ya asod katakelan. Onsasabin nanlapud arawin pasen iray kumakabayo ra; saray kabayo ra idepak-depak day dalin. Onsabi ran mapmaples ya ondogpan singa agilan manisibar na labay ton kanen.

Maung A Balita Biblia

⁸ “Maples nen saray liopardo iray kabayo ra, tan masebeg ira nen saray narasan ya asod katakelan. Onsasabin nanlapud arawin pasen iray kumakabayo ra; saray kabayo ra idepak-depak day dalin. Onsabi ran mapmaples ya ondogpan singa agilan manisibar na labay ton kanen.

Habacuc 1:8 Referans Kwoze

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Oseas 8:1

Say Katawan kuanto, Paknul yoy trumpita! Singa agilan onsisibar ed dalin ko iray kalaban! Dineral na saray totook so impisipanan kod sikara tan sinumlang day ganggan ko.

Ezekiel 17:3

diad pangipaamtam ed sikara na ibabagak ed sikara, siak a Katawan a Dios: Walay sakey a balbaleg ya agila ya akabuskag so balibali tan balbaleg iran payak to. Tinmikyab ed Kapalandeyan na Libano tan inala ton pinoter so toktok na kiew a sidro.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Deuteronomio 28:49

Say Katawan mangibaki na onsumpad sikayon sakey a bansan manlapud arawin dalin, ya ag yo amta so salita ray totoo to. Onsibar irad sikayon singa sakey ya agila.

Lucas 17:37

Iner, Katawan? tepet da ray disipulo. Inmebat si Jesus, No iner so kawalaay bangkay, diman so pandaragopan da ray buitri.

Mateo 24:28

No iner so kawalaay bangkay, diman so pandadagopan da ray buitri.

Ezekiel 17:12

Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

Saray Tagleey 4:19

Maples nen say agila ed liwang iray onoosil ed sikami. Inosilan da kamid kapalandeyan; tinambangan da kamid kalawakan.

Say Libro nen Job 9:26

Singa sankaplesan a baloto so ikukurang na bilay ko, maples a singa agilan manisibar na buagen to.

Isaias 11:14

Mankakasakey ira ya ondogpa ed saray Filisteo diad sagur tan samsaman da ray totoon manaayam ed bokig. Dakepen da ray totood Edom tan Moab, tan onuren ira na saray totood Ammon.

Jeremias 48:40

Say Katawan insipan to a sakey a bansa so onsibar a singa agila ed Moab ya akabuskag iray payak to,

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Ezekiel 26:11

Paalimbosabosen na saray sondalon akakabayo iray daladalan mo, tan pateyen da diad panamegley na ispada iray totoom. Nagebad dalin iray mabiskeg a lusek mo.

Nahum 2:5

Atawag iray opisyal; mamkitakba ra diad idadago ra. Mapmaples ya onsisingger ed padir iray ondogpa tan ililira da so samper na panagbongbong na padir.