Genesis 47:30 - Maung a Balita Biblia

³⁰ Labay koy nipompon ed kawalaan da ray atateng ko; ipaway mo ak ed Egipto tan ipompon mo ak ed angipomponan ed sikara. Inmebat si Jose, Gawaen koy imbaga yo.

Maung A Balita Biblia

³⁰ Labay koy nipompon ed kawalaan da ray atateng ko; ipaway mo ak ed Egipto tan ipompon mo ak ed angipomponan ed sikara.” Inmebat si Jose, “Gawaen koy imbaga yo.”

Genesis 47:30 Referans Kwoze

Genesis 25:9

Di Isaac tan Ismael ya anak to imponpon dad ongib na Macpela, diad alog a walad bokig na Mamre tan kayaryan nen saman nen Efron ya anak nen Zobar a Heteo.

Genesis 23:19

Insan imponpon nen Abraham si asawa ton Sara ed saman ya ongib ed alog na Macpela a nibokig na Mamre ed dalin na Canaan.

Nehemias 2:5

insan ko inkuan ed impirador, No makaliliket ed siak so Kagalang kon Impirador tan mabolus a mangiter na kerewen ko, abuloyan mo ak pan onla ed dalin na Juda, diad siudad ya angipomponan ed saray lalakik, pian nipaalagey ko lamet so siudad.

Nehemias 2:3

tan inmebat ak, Andokey ni komun so pambilay yo, Kagalang kon Impirador! Panon a niamut so ermen ko no say siudad ya angipomponan ed saray lalakik et aderalderal tan saray puirta to et dineral na apoy?

1 Saray Arari 13:22

no ag ingen pinmawil ka tan angan kad lugar ya ingganggan ton ag mo panganan, napatey ka tan ag nipompon ed lobuk na pamilyam so bangkay mo.

2 Samuel 19:37

Insan yo ak la abuloyan ya onsempet, ta labay ko so ompatey ed abay na lobuk na saray atateng ko. Niay anak kon Camaam; awit mo la, Kagalang kon Ari, tan akaoley ka lan manggawad sikato na isisipen mon maabig.

Genesis 50:25

Insan kinerew tod saray totoo to a sambaan dan gawaen yan bilin to. Inkuanto, Isipan yod siak a no say Dios et iyakar to kayod saman a dalin, piawit yo ray pokel ko.

Genesis 15:15

Sika, andokey so bilay mo, mareen so ipatey mo, insan ka nipompon.

Genesis 23:17

Onya so impakakayaryan nen Abraham ed samay alog nen Efron ed Macpela, diad nibokig na Mamre. Kaiba toy ongib tan amin a kiew diman.

Genesis 25:10

Saya may alog a sinaliw nen Abraham ed saray Heteo; nipompon irad man di Abraham tan Sara ya asawa to.

Genesis 35:29

kanyan mataktakken la nen inatey. Imponpon na saray anak to a di Esau tan Jacob.

Deuteronomio 31:16

Say Katawan kuantod kinen Moises, Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

2 Samuel 2:32

Inala nen Joab tan saray totoo to so bangkay nen Asael tan impompon dad lobuk nen ama to diad Betlehem. Insan sanlabi ran nanakar et diad palbangon akasabi rad Hebron.