Genesis 47:26 - Maung a Balita Biblia

²⁶ Kanyan impaakseb nen Jose so sakey a ganggan ed Egipto a kayaryan na ari so kakalima na ani. Wala ni yan ganggan ya anggad natan. Saray dalin labat na papari so ag kayaryan na ari.

Maung A Balita Biblia

²⁶ Kanyan impaakseb nen Jose so sakey a ganggan ed Egipto a kayaryan na ari so kakalima na ani. Wala ni yan ganggan ya anggad natan. Saray dalin labat na papari so ag kayaryan na ari.

Genesis 47:26 Referans Kwoze

Genesis 47:22

Say dalin labat na saray papari so ag to sinaliw. Ag da kinaukolan ya ilako ray dalin da, ta walay inter na ari a pambilay da.

Ezekiel 7:24

Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.

Genesis 47:25

Inmebat ira, Sinambot moy bilay mi tan maung kad sikami; paaripen kami lad ari.

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo. Inter nen Abram ed kinen Melkisedek so kakaplo na amin ya asamsam to.

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.

Genesis 41:34

Mamili ka met na saray arum ya opisyal a mantipon na kakalima na amin a bungay dalin legan na pitoy taon a daakan so naani.

Levitico 27:30

Say kakaplo na amin a bungay dalin, trigo man odino bungay kiew, et kayaryan na Katawan.

Saray Bilang 18:21

Say Katawan kuanto, Impabetang kod saray Levita iray amin a kakaplo ya isaklang ed siak na saray Israelita. Pambayar ya ed sikara lapud panaglingkur dad Tuldan Ayaman ko.

Deuteronomio 14:22

Ibiig yoy kakaplo na amin a naani yod kaalogan yo kapag taon.

Deuteronomio 26:12

Kapag kumatlon taon iter yod saray Levita, saray sangkaili, saray olila, tan saray bibiin balo, so kakaplon bunga na saray tanaman yo, pian iner man a baley walay napambilay da. No agawaan yo la ya,

Esdras 7:24

Sebel ed sikayo so mangala na saray buis ed saray papari, saray Levita, saray tumutogtog tan saray kumakanta, saray guardia, saray kumikimey, odino siopaman nin manlilingkur ed Timplo.