Genesis 46:2 - Maung a Balita Biblia

² Akisalitay Dios ed sikato diad panamegley na sakey a pasingayew ed labi tan inkuanto, Jacob, Jacob! Wadya ak! Anto man? ebat to.

Maung A Balita Biblia

² Akisalitay Dios ed sikato diad panamegley na sakey a pasingayew ed labi tan inkuanto, “Jacob, Jacob!” “Wadya ak! Anto man?” ebat to.

Genesis 46:2 Referans Kwoze

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, Ag ka natatakot, Abram. Salimbengan ta kad kaatapan tan itdan ta kay baleg a tumang.

Saray Gawgawa 16:9

Diad labi, walay pinmayawar ed kinen Pablo. Anengneng toy sakey a lakin taga Macedonia, a manalalagey tan mikakasid sikato, Gala dia karid Macedonia, ta tulongan mo kami.

Saray Gawgawa 10:3

Aminsan ya alas tris ed ngarem, pinmayawar a malinlinew ed sikato so sakey ya anghil na Dios tan inkuanto, Cornelio!

Saray Gawgawa 9:10

Diad Damasco, walay sakey a disipulon manngaray Ananias. Pinmayawar ed sikatoy Katawan tan inkuanto, Ananias! Wadya ak, Katawan, ebat to.

Saray Gawgawa 9:4

Apaktak tan nipasobsob ed dalin, insan nadngel toy bosis a nankuan ed sikato, Saulo, Saulo, akin et papairapen mo ak?

Daniel 2:19

Diad saman lamlamang a labi nipaamtad kinen Daniel so mistirio diad panamegley na pasingayew. Lapud saman indayew to so Dios na tawen:

Say Libro nen Job 4:13

Singa ak nankogip na makapataktakot ed kasamisamitay ogip ko.

2 Saray Awaran 26:5

Legan a mabilay si Zacarias, a sumisimbawa ton nipaakar ed itatakot ed Dios, matoor ton nilingkuran so Katawan, kanyan pinaaligwas na Dios.

1 Samuel 3:10

Sinmabi so Katawan tan nanalagey diman, tan tinawag to a singa impanawag to nen inmona, Samuel! Samuel! Inmebat si Samuel, Mansalita ka; onderengel so aripen mo.

1 Samuel 3:4

si Samuel tinawag na Katawan, Samuel, Samuel! Inmebat, Wadya ak!

Saray Bilang 24:4

A narerengel to so ibabaga na Dios, Alukbok ak lapud inloob na ispiritu ed siak, Balet siansian lokas iray matak tan anengneng ko So pasingayew na Dios a Makapanyarin-amin.

Saray Bilang 12:6

tan say Katawan kuanto, Dengel yo natan so ibagak! No walad sikayo ray propita, ipaamtak ed sikara so siak a dili diad panamegley na saray pasingayew tan misalita ak ed sikara diad panamegley na saray kogip.

Genesis 31:11

Inkuan ed siak na anghil na Dios diad kogip, Jacob! On, wadya ak, ebat ko.

Genesis 22:11

Balet tinmawag a manlapud tawen so anghil na Katawan, Abraham, Abraham! Inmebat, Wadya ak.

Genesis 22:1

Ag abayag, sinubok na Dios si Abraham; tinawag to, Abraham! Wadya ak, ebat nen Abraham.

Genesis 15:13

Inkuan na Katawan ed sikato, Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Saray Gawgawa 10:13

Walay sakey a bosis a nankuan, Alagey ka, Pedro; mamatey kay kanen mo!

Genesis 20:3

Aminsan a labi pinmayawar ed kogip to so Dios a kuanto, Ompatey ka, ta inalam so biin wala lay asawa to.

Saray Huis 7:2

Say Katawan kuantod kinen Gedeon, Dakerakel lan tuloy iray totoom a panaloen kod saray Madianita. Ompan abaloan da naani ya analo ra lapud pakayari ran dili, et ibaga ran anggapoy pibibiang ko.

Saray Huis 7:9

Diad saman a labi ingganggan na Katawan si Gedeon, Bangon kayo, ta dogpaan yoy kampo da ray Madianita; panaloen ta kayo.

Zacarias 1:8

Anengneng koy sakey ya anghil na Katawan ya akakabayod ambalangan kabayo. Tinmondad kawalaan da ray kiew a mirto diad sakey a patar, tan diad nibeneg to wala ray arum a kabayo; wala ray ambalanga, batekan, tan ampoti.