Genesis 38:26 - Maung a Balita Biblia

²⁶ Abirbir ira nen Juda tan inkuanto, Anggapoy kasalanan to, ta ag ko ginaway kanepegan kod sikato. Impaasawak komun ed kinen anak kon Sela. Ag lan balut inakdulan nen Juda si Tamar.

Maung A Balita Biblia

²⁶ Abirbir ira nen Juda tan inkuanto, “Anggapoy kasalanan to, ta ag ko ginaway kanepegan kod sikato. Impaasawak komun ed kinen anak kon Sela.” Ag lan balut inakdulan nen Juda si Tamar.

Genesis 38:26 Referans Kwoze

1 Samuel 24:17

insan to inkuan ed kinen David, Maptek ka nen say siak. Maung so ipapatnag mod siak, balet maoges so gagawaen kod sika!

Juan 8:9

Nen nadngel da ya, tinmaynan iran sansakey, manlapud sankamasikenan ed sikara. Atilak a bukor si Jesus tan samay bii a wadman nin manalalagey ed arap nen Jesus.

Saray Taga Roma 13:12

Ngalngali la mansamput so labi, tan ombubutay lay agew. Tondaan ti lay panggaway bengatlan kayaryay bilonget, tan egnaan ti la ray armas a kayaryar liwawa.

Saray Taga Roma 3:19

Natan amta tayo ya amin iray walad Ganggan et para saray walad silong na Ganggan, pian napatonda toy pambabaraan na amin a katoowan tan napasilong tod panagsintinsia na Dios so sankamundoan.

Mateo 3:8

Ipanengneng yod panagbilay yo a binenegan yo la ray kasalanan yo.

Habacuc 1:13

Balet panon mon nitepel ira yan traidor tan maoges? Masanton tuloy iray matam ya onnengneng ed kaogsan, tan ag mo nitepel so onnengneng ed saray totoon manggagaway kakapoyan. Akin sirin et ag ka oneseesel, anggan papairapen na sarayan totoo iray matonung nen say sikara?

Ezekiel 16:52

Natan nepeg mon itepel so inkaplag mod kababaingan a bunga na kaogsan mo. Lapud mapalalo ray kasalanan mo nen saray agagim, ompapaway a singa anggapoy kasalanan da ra yan agagim a kaampar mo. Natan baing ka tan itepel moy kababaingan mo, lapud ipaparontal mon singa anggapoy kasalanan da ray agagim.

Say Libro nen Job 40:5

Nansalita ak lay masoluk nen say nepeg kon ibaga.

Say Libro nen Job 4:5

Natan ta sika lay sinmoblay a manirap, nakalan kay anos tan biskeg na linawa.

2 Samuel 24:17

Anengneng nen David imay anghil a mamapatey na saray totoo, tan kuantod Katawan, Siak so nankasalanan. Siak so nanggaway kaogsan. Antoy ginawa na sarayan totoo? Nepeg a siak tan say pamilyak so dusaen mo.

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

2 Samuel 16:22

Kanyan nanggawa ray tulda a para si Absalom diad toktok na palasio, tan diad pakanengneng na amin a totoo linmoob si Absalom tan akiakdul ed saray bibiin inamung nen ama to.

Genesis 38:14

Kanyan inekal toy kawes na balo ya akasolung ed sikato, sinakbungan toy lupa to na pandung, tan nanirung ed lolooban na Enaim, sakey a baley ed dalan a mamaarap ed Timna. Kabat to a balolaki la si Sela, balet ag to ni inasaway Tamar.

Genesis 37:33

Abibtir to tan inkuanto, On, kawes to! Pinatey na sakey ya ayep ed katakelan. Abingbingkas si Jose ya anak ko!

Genesis 4:1

Inakdulan nen Adan si Eva ya asawa to. Nanlokun si Eva tan nananak na sakey a laki. Diad tulong na Katawan, kuanen Eva, akaanak ak na sakey a laki. Kanyan inngaran to na Cain imay ogaw.

1 Samuel 24:18

Diad sayan agew impatnag mo so ontan lan kamaungan mod siak, ta ag mo ak pinatey, anggaman ya impasilong ak na KATAWAN ed pakayarim.