Genesis 37:28 - Maung a Balita Biblia

²⁸ Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Maung A Balita Biblia

²⁸ Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Genesis 37:28 Referans Kwoze

Saray Gawgawa 7:9

Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

Saray Salmo 105:17

Balet pinaona tod sikara si Jose, a nilakon sakey ya aripen.

Genesis 25:2

Saray anak tod sayan bii et di Zimran, Jocsan, Medan, Madian, Isbak, tan Suah.

Mateo 26:15

tan inkuanto, Antoy iter yod siak no iyawat koy Jesus ed sikayo? Imbilangan day talomplon kuartan pilak tan inter dad sikato.

Genesis 37:36

Leleg a nagagawa ra ya, inlako na saramay Madianita si Jose ed kinen Potifar diad Egipto. Sakey ed saray opisyal na ari si Potifar tan pangulo na saray guardia ed palasio.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

Mateo 27:9

Tinmua sirin so inkuanen propita Jeremias, Inala ray talomplon kuartan pilak (sikato yay nampapaknaan da ray Israelitan bili na bilay to),

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Saray Salmo 83:9

Gawam pad sikaray ginawam ed saray Madianita, tan diad kindi Sisera tan Jabin, diad Ilog na Kison.

Saray Huis 8:24

Balet intuloy ton inkuan, Wala pay kerewen kon sakey a bengatla ed sikayo. Amin yo, iter yod siak iray ikaw ya inaala yo. (Singa saray arum a totood kalawakan, akaikaw na balituk iray Madianita.)

Saray Huis 8:22

Kayari to ya, inkuan na saray Israelita ed kinen Gedeon, Sika la so manoley ed sikamisika, insan kayarim onsalat iray kabyangay pamilyam. Inliktar mo kamid saray Madianita.

Saray Bilang 25:17

Dogpaan yo ray Madianita tan kabil yo ra,

Saray Bilang 25:15

Say ngaran na samay bii et Cozbi. Say ama to et si Zur a pangulo na sakey a grupo na saray boleg na Madianita.

Exodo 2:16

nitan la ray pitoran bibii ya anak nen Jetro a pari na Madian, ta onasul iray danum ya iyan dad saray atotung ya inoman na saray karniro tan saray kanding na ama ra.

Genesis 39:1

Saramay Ismaelita inyakar dad Egipto si Jose tan inlako rad kinen Potifar, sakey ed saray opisyal na ari tan kapitan na saray guardiad palasio.

Genesis 50:15

Kayariy impatey nen ama ra, inkuan na lalakin agagi nen Jose, Nayarin bosulen itayo ni nen Jose tan mamplanon ombawid sikatayon amin, lapud samay ginawa tayod sikato.

Genesis 40:15

Diay tuay tua, inala ak labat ed dalin da ray Hebreo, tan anggan diad Egipto anggapoy ginawak a makasengeg na kaprisoan ko.

Exodo 21:16

Siopamay mamasoot a mangala na too ya ilako to odino aripenen to, nepeg a pateyen.

Jeremias 38:13

Ginoyur da ak sirin diad panamegley na samay lobir, et naagwat ak. Kayari to ya, nipokuk ak lad dalem na patio.