Genesis 35:5 - Maung a Balita Biblia

⁵ Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

Maung A Balita Biblia

⁵ Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

Genesis 35:5 Referans Kwoze

Exodo 23:27

Pagmaliwen kon antakot ed siak iray totoon onsumlang ed sikayo; gewgewen ko ray totoon bakalen yo tan papoliktaren kon amin iray kalaban yo tan ibatikan da kayo.

2 Saray Awaran 17:10

Say Katawan pinatakot ton mibakal ed kinen Josafat ya amin iray nanarian a walad kaliber-liber na Juda.

Saray Salmo 14:5

Balet ontan lay kataktakot da, ta pipilaan na Dios iray totoon matonung.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

Deuteronomio 11:25

Inermay laen yod saman a dalin say Katawan a Dios yo et patakoten tod sikayo ray totoo, onung na insipan to, tan anggapoy makalaban ed sikayo.

Exodo 34:24

Kayarik a pagiten iray totood bansan looban yo tan no apaawang ko lay dalin yo, anggapo lad satay toon manakop na bansa yo legan na taloran pista ya abitla.

2 Saray Awaran 14:14

Insan da dinederal iray siudad a walad kaliber-liber na Gerar, lapud ataktakot ed Katawan iray totood man. Sinasamsaman da ra yan siudad tan amayamay so nala ra.

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.

1 Samuel 11:7

Angalay duaran baka, pinatas to, tan impailiber tod intiron dalin na Israel tan impaibaga to, Siopamay ag milad kinen Saul tan si Samuel a mibakal, onyay nagawad saray baka to! Saray totood Israel tinmakot irad Katawan, kanyan akila ran amin ed bakal.

Genesis 34:30

Inkuanen Jacob ed kindi Simeon tan Levi, Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Deuteronomio 2:25

Manlapud sayan agew pagmaliwen kon ontakot ed sikayo iray totood inerman a pasen. Diad pakabitla labat ed ngaran yo onggiwgiw lad takot so balang sakey a too.

Saray Salmo 105:14

Balet ag inyabuloy na Dios a pairapen ira na anggan siopa, tan diad panangyagel tod sikara, pinapasakbayan to ray arari.

2 Saray Awaran 14:13

tan inosilan ira nen Asa tan saray sondalo to ya anggad Gerar. Amayamay so apatey a taga Etiopia kanyan ag da la ayariay nantitipon lamet a mibakal. Tinalo ra na Katawan tan saray sondaloo to.