Genesis 29:33 - Maung a Balita Biblia

³³ Nanlokun lamet tan nananak na sakey nin laki. Inkuanto, Inter met na Katawan yan anak ko, ta arengel ton ag ak inaroy asawak; kanyan inngaran to na Simeon.

Maung A Balita Biblia

³³ Nanlokun lamet tan nananak na sakey nin laki. Inkuanto, “Inter met na Katawan yan anak ko, ta arengel ton ag ak inaroy asawak”; kanyan inngaran to na Simeon.

Genesis 29:33 Referans Kwoze

Genesis 34:25

Kasumpal na taloy agew nen ag ni inmabig ira may nampasegat, saray duaran lalakin anak nen Jacob tan agagi nen Dina a di Simeon tan si Levi et inala ray ispada ra, linma rad siudad ya anggapoy makaamtad getma ra, insan da pinatey ya amin iray lalaki.

Genesis 42:24

Inmarawid sikara si Jose tan nanakis. Nen nayarian to lay mansalita, pinmawil, pinili toy Simeon, tan impaitaker ton sankanengneng da.

Genesis 35:23

Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Genesis 34:30

Inkuanen Jacob ed kindi Simeon tan Levi, Initdan yo ak na gunigon; natan bosulen ak na saray Cananeo, saray Perezeo, tan amin iray wadyad sayan pasen. Dagdaiset iray totook; no mankakasakey iran amin, insan da ak labanan, ompatey so intiron pamilya tayo.

Genesis 30:20

Inkuanto, Initdan ak na Dios na marakep a rigalo. Natan akoen ak la na asawak, ta inyanakan koy anemiran lalaki; kanyan inngaran to na Zabulon imay ogaw.

Genesis 30:18

Inkuanen Lea, Tinumangan ak na Dios, ta inter kod kinen asawak so aripen ko; kanyan inngaran to na Isacar imay ogaw.

Genesis 30:8

Inkuanen Raquel, Pinasyay impilaban kod kinen atsik, balet analo ak; kanyan inngaran to na Neftali imay ogaw.

Genesis 30:6

Inkuanen Raquel, Pinilaan ak na Dios. Dinengel toy pikakasik, tan initdan to ak na anak a laki; kanyan inngaran to na Dan.

Deuteronomio 21:15

Anto so gawaen no wala bilang so sakey a lakin duaray asawa to tan naanakan to ran dua na lalaki, balet say pangulowan et aliwan anak na biin labalabay to?