Genesis 24:10 - Maung a Balita Biblia

¹⁰ Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia.

Maung A Balita Biblia

¹⁰ Samay aripen, a makaoley ed kayaryan nen Abraham, angala na samploran kamilyo nen amo to, pinano toy beneg da na mabmabli ran rigalo, insan linmad siudad a nanayaman nen Nacor diad baybay na Mesopotamia.

Genesis 24:10 Referans Kwoze

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.

Genesis 11:31

Tinmaynan si Tare ed baley na Ur na Babilonia, a kaiba toy anak ton Abram, si apo ton Lot ya anak nen Haran, tan si manugang ton Sarai ya asawa nen Abram. Linma rad dalin na Canaan, et nen asabi ray dalin na Haran, diman la ra nanayam.

Saray Gawgawa 2:9

Taga itayo Partia, Media, tan Elam; taga Mesopotamia, Judea, tan Capadocia, taga Ponto tan Asia;

1 Saray Awaran 19:6

Abirbir nen Ari Hanun tan saray Ammonita ya agawa ran kalaban si David, kanyan angiter ira na sakey ya apataplon toniladan pilak ya inyabang da na saray karwahi tan saray kumakarwahi taga Mesopotamia, Maaca, tan Soba na Siria.

Genesis 29:1

Intuloy nen Jacob so akar to tan amaarap ed dalin a bandad Bokig.

Genesis 27:43

Natan, anak ko, gawam so ibagak ed sika. Mamparaan ka tan lakan tampol ed kinen Laban ya agik, diad Haran.

Genesis 24:2

Inkuantod sankatakkenan ya aripen to a makaoley ed amin a kayaryan to, Iyan moy limam ed nanleetan na saray ulpok tan mansamba ka.

Genesis 11:29

Inasawa nen Abram si Sarai, tan inasawa nen Nacor si Milca ya anak nen Haran ya ama nen Isca.

Genesis 11:32

Inatey diman si Tare nen mantaoy duan lasus tan lima.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Genesis 24:53

Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Genesis 29:2

Kabebekta anengneng toy sakey a bobun ed alog a walay taloran simpok na karniron mandokdokul ed abay to. Diay inoman da tan walay baleg a batod sangab to.

Genesis 11:26

Nen mantaon na pitomplo si Tare, walay anak ton lalaki a di Abram, Nacor, tan Haran.

Genesis 22:20

Ag abayag nadngelan nen Abraham a si Milca et walay waloran anak ton lalaki ed kinen Nacor ya agi nen Abraham: