Genesis 23:16 - Maung a Balita Biblia

¹⁶ Inmabuloy si Abraham tan sinimbang to may bili ya imbaga nen Efron a sankarengel na saray totooapat a lasus a kuartan pilak, onung na panagsimbang na saray nigosianti.

Maung A Balita Biblia

¹⁶ Inmabuloy si Abraham tan sinimbang to may bili ya imbaga nen Efron a sankarengel na saray totoo—apat a lasus a kuartan pilak, onung na panagsimbang na saray nigosianti.

Genesis 23:16 Referans Kwoze

Zacarias 11:12

Inkuankod sikara, No maabuloy kayo, iter yod siak so upak. Balet no ag kayo maabuloy, kayaryan yo la. Kanyan inter day upak a talomplon pilak a kuarta.

Jeremias 32:9

Kanyan sinaliw kod kinen Hanamel imay alog tan imbilang kod sikatoy kuarta; labinpiton pilak ya amin so bili to.

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

FILIPOS 4:8

Kaonuran ni, agagi, nepeg a pinunot yo ray bengatlan maabig tan nepeg ya itanduro: saray matwa, masimpit, maptek, malinis, makaayayat, tan mapagalang.

Saray Taga Roma 13:8

Ag kayo miuutang ed siopaman, likud ed panarowan yo. Siopamay mangarod kapara ton too sinumpal toy Ganggan.

Mateo 7:12

Kanyan gawa yod kapara yon totoo so labay yon gawaen da met ed sikayo. Sikato ya so labay ya ibaga na Ganggan nen Moises; sikato ya met so imbabangat da ray propita.

Ezekiel 45:12

Saraya so nepeg a tombuken yon belat: say duamplon gira kasimbang toy sakey a siklo; say anemaplon siklo kasimbang toy sakey a mina.

Say Libro nen Job 28:15

Ag nasaliw na balituk tan pilak.

Exodo 30:13

Balang sakey ed saray totoon bilangen et nepeg a mangiter na nakaukolan a bayar onung ed panagsimbang ed santuario. Balang sakey nepeg a bayaran to ya, tan sakey yan bagat ed siak.

Genesis 43:21

Nen ompapawil kami la, tinmonda kamin nampainawa, et nen nilokasan mi ray sako mi, nalmoy balang sakey ed sikami so kuarta to. Natan, inawit mi ra dian ipawil ed sika.

Genesis 23:15

Mambili labat na apat a lasus a kuartan pilak iman a dalinpiga met la yad sikatan dua? Ipompon mod man so asawam.

Saray Gawgawa 7:16

Saray bangkay da inyakar da rad Sikem tan insorub da rad lobuk a sinaliw nen Abraham ed saray anak nen Hamor.

Genesis 49:29

Insan ingganggan nen Jacob iray lalakin anak to, Natan ta magano ak lan mitipon ed saray totook ya andi lad bilay, kerewen kon ipompon yo ak ya ipitipon ed amak tan saray lalakik diad lobuk a walad alog nen Efron a Heteo,

Genesis 50:13

inyakar dad Canaan so bangkay to, imponpon dad ongib ed Macpela a bokig na Mamre, diad samay alog a sinaliw nen Abraham ed kinen Efron a Heteo, ta ginawa ton pasen a pomponan.

2 Samuel 14:26

Makapakapal so buek to, tan maminsan a mampakatlid sakey taon no andokorokey tan ambelbelat lay buek to. Say naekal a buek to et mambelat na duaran kilo onung na panagsimbang na ari.

Jeremias 32:10

Pinirmaan tan tinimbrian koy kasulatan, impatasian ko, tan inalay belat na kuarta ed simbangan.

2 Samuel 24:24

Balet inmebat so ari, Andi, bayaran kod sika. Ag ak mangisaklang ed Katawan kon Dios na saray bagat ya ag ko binayaran. Kanyan say ari sinaliw to na limamplon pilak a kuarta imay pasen a panagilikan tan saramay baka.