Genesis 21:14 - Maung a Balita Biblia

¹⁴ Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakarakar ed kalawakan na Beer-seba.

Maung A Balita Biblia

¹⁴ Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

Genesis 21:14 Referans Kwoze

Juan 8:35

Say aripen ag mansiansian kabyangay pamilya, balet say anak kabyangan ya anggad angga na pamilya.

Ecclesiastes 9:10

Antokaman a gawaen mo gawam ed anggaay nayarian mo, lapud anggapo lay kimey, kanunotan, pakatalus, tan kakabatan ed pasen a kawalaan da ray inaatey a dimay laen mo.

Probirbio 27:14

Singa insambam so kaarom no liingen mod kabkabwasan diad maingal a pangibanom ed sikato.

Saray Salmo 119:60

Ag ak manaabala no ag ta gaganatan ko ya onuren iray ganggan mo.

Saray Salmo 107:4

Saray arum nanakar-akar irad anggapoy basbas a kalawakan, tan ag da narumog so dalan a mamaarap ed sakey a siudad a panayaman da.

1 Saray Arari 19:3

Tinmakot si Elias, kanyan batik diad pangyagel tod bilay to; intagar tod Beerseba na Juda imay aripen to. Intilak diman nen Elias imay aripen to

Genesis 26:31

Kabkabwasan ed ontombuk ya agew, nansipan so balang sakey ed sikara tan pinaletan da na samba. Maliket so impamasiput nen Isaac ed sikara, ta sankaaro la ra.

Genesis 25:6

balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.

Genesis 21:31

Kanyan atawag iman a pasen na Beer-seba, ta damay nampaknaan dan dua.

Genesis 16:7

Inabet na anghil na Katawan si Agar ed abay na sobul a walad kalawakan, diad dalan a mamaarap ed Sur,

Isaias 16:8

Aderal iray kaalogan ed Hesbon tan say kaubasan ed Sibmasaray kaubasan a say alak da et iniinom nen saman na saray manoley na saray bansa. Kinmayamkam ya aminsan iray wakal to ya anggad siudad na Jazer tan diad kalawakan diad bansa bokig, ya asabiy anggad basil na Inatey a Dayat diad bandad sagur.

Genesis 46:1

Binalkut nen Jacob so amin a kayaryan to, linmad Beer-seba, tan diman angisaklang na saray bagat ed Dios nen ama ton Isaac.

Genesis 37:15

tan manliliber-liber diman nen anengneng na sakey a too a nantepet, “Antoy aanapen mo?

Genesis 26:33

Inngaran toy Samba man a bobun. Onyay impakalay ngaran na siudad na Beer-seba.

Genesis 24:54

Angan tan inminom imay aripen nen Abraham tan saramay kakaiba to, tan pinalabas day labid man. Kabangon dad kabwasan, inkuanto may aripen, Abuloyan yo ak lan onsempet ed amok.

Genesis 22:19

Pinawil nen Abraham ira may aripen to, linma rad Beer-seba tan nanayam diman si Abraham.

Genesis 22:3

Diad kabkabwasan na ontombuk ya agew, nambelang si Abraham na kiew a para bagat, intapew tod asno to, tan intagar toy Isaac tan saray duaran aripen to. Ginapwan day amaarap ed samay pasen ya imbagay Katawan.

Genesis 21:33

Angitanem si Abraham na sakey a kiew a tamariski ed Beer-seba, tan inggalang toy Katawan, say andi-anggaan a Dios.

Genesis 19:27

Diad kabkabwasan ed ontombuk ya agew, ginangganatan nen Abraham so onlad samay pasen a nanalageyan tod arap na Katawan.

Genesis 21:13

Itdan ko met na amayamay ya anak so anak mod samay aripen a bii, pian magmaliw iran sakey a bansa, ta anak mo met lanti si Ismael.

Genesis 21:15

Nen naoput la may danum a balun to, intilak to may ogaw ed silong na kiew ya abeba,

Probirbio 27:8

Say toon arawi ed abung to singa manok ya arawi ed obung to.

Genesis 28:18

Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Josue 3:1

Diad kaimbwas si Josue tan amin ya Israelita asaksakbay iran binmangon, tinaynan da may kampod Acacia, ta linma rad Jordan, a dimay nankampoan da legan na impanalagar dad ibaliw da.

1 Samuel 15:12

Kabkabwasan ed ontombuk ya agew linman anapen toy Saul. Nadngelan ton linmad baley na Carmel si Saul, a dimay nanggawaan toy monuminto to, insan tinmuloy ed Gilgal.

2 Saray Awaran 29:20

Ag nanabalay Ari Ezekias ed impanipon tod saray manonan totoo ed siudad, insan ira nambabansag a linmad Timplo.