Genesis 19:36 - Maung a Balita Biblia

³⁶ Diad saya nanlokun ira may duaran bibiin anak nen Lot, lapud impiakdul dad ama ra.

Maung A Balita Biblia

³⁶ Diad saya nanlokun ira may duaran bibiin anak nen Lot, lapud impiakdul dad ama ra.

Genesis 19:36 Referans Kwoze

Habacuc 2:15

Pakaskasi kayo la! Diad gaway pasnuk yo pinaabeba tan impelag yod kababaingan iray kaabay yo; impandongildongil yo ran singa abuek.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

1 Samuel 15:33

Inkuanen Samuel, Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam. Insan tinartar toy Agag diad arap na altar ed Gilgal.

Saray Huis 1:7

Inkuanen Adoni-bezec, Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara. Niakar ed Jerusalem si Adoni-bezec, tan diman la inatey.

Genesis 19:8

Walay duaran anak kon mamarikit. Ipaway ko ra tan gawa yod sikaray labay yo. Balet ag yo didiwiten ira yan lalaki; bisitak irad abung ko tan nepeg ko ran iyagel.

Genesis 19:35

Kanyan diad saman a labi, binwek da lamet si ama ra, tan inakdulan na samay yogtan; balet diad inkabwek ton maung ag to amtay agawa.

Genesis 19:37

Nananak na laki may pangulowan, tan inngaran to na Moab; sikatoy sengeg ya anggad natan na saray Moabita.

Deuteronomio 2:9

Say Katawan kuantod siak, Ag yo gugunigonen iray totood Moab, saray kabyangay boleg nen Lot; ag yo igagapoy mibakal ed sikara. Inter ko lad sikara so siudad na Ar, tan ag ta kayo itdan na anggan anton parti na dalin da. (